ريهام حجاج تتحدث عن الأعمال الخيرية وتعلن عودتها للسينما

كشفت الفنانة ريهام حجاج عن حبها للأعمال الخيرية، مؤكدة أنها تحرص دائماً على أداء العمل المجتمعي الخيري كنوع من أنواع التجارة مع الله، بجانب حرصها على الوجود برفقة عائلتها وأسرتها، معلنة عن عودتها خلال الفترة المقبلة للسينما بعد غيابها عنها فترة.

قالت ريهام حجاج، في إحدى الندوات الصحافية: 'أنا زي كل الناس عندي بيت وأسرة وعيال وزوج وأهلي وإخواتي، أنا مش من الناس اللي شايفة إني لازم أدي للفن كل حياتي، أنا شايفة إني عندي أطفال لازم أربيهم وأبقى موجودة معاهم وعندي زوج لازم أبقى واقفة معاه وبشاركه في كل حاجة، وعندي أهلي ليهم عليّ حق إني أبقى معاهم، وعندي بيزنس طبعًا برا الشغل، وأنا بحب العمل الخيري والمجتمعي بيستهويني أوي، بتعامل مع مؤسسات وبتابع حالات معينة بيبقوا محتاجين دعم.

تابعت: 'الأعمال الخيرية بتستهويني، وأنا مبتكلمش على الأعمال الخيرية لأني شايفة إننا عايشين الحياة ومحتاجين نعمل توازن بين الدنيا والآخرة، لأنك لما هتقابلي ربنا هيسألك عملتي إيه في حياتك، مينفعش أقوله أنا عيشت حياتي أعمل مسلسلات وأفلام وشهرة، فلازم يكون عندي رصيد مع ربنا بخلاف شغلي'.

وكشفت ريهام حجاج عن عودتها للسينما حيث تواصل تحضيراتها لعمل سينمائي جديد، مؤكدة أنها تسعى لتقديم عمل قوي يليق بحجم جمهورها ومحبيها، تابعت: 'أنا حريصة على العودة للسينما بشكل مختلف، واشتغلت على المشروع ده من بدري علشان أقدّم حاجة تليق بينا كمصريين'.