ألفت في مسلسل "الحاج متولي": نور الشريف طلب دوري يكبر ومحدش فرضني عليه

كشفت الفنانة مونيا، بطلة مسلسل عائلة الحاج متولي، تفاصيل مشاركتها في العمل، ومن رشحها لتقديم دور 'ألفت' والتي كانت محل انتقادات واسعة حينها.

وقالت مونيا خلال لقائها ببرنامج 'قعدة ستات' الذي تقدمه الإعلامية مروة صبري على شاشة 'القاهرة اليوم'، إن زوجها السابق ممدوح يوسف منتج مسلسل عائلة الحاج متولي هو من رشحها للعمل.

وتابعت مونيا: بحترم كل الأراء واللي انتقدني وقال عشان مرات المنتج.. ولكن أستاذ نور الشريف مبيفوتش شعراية ومافيش حاجة اسمها حد يفرض حاجة على نور الشريف، ولما دخلت البروفة كنت مرعوبة جدا وكان حلم حياتي أمثل، ولقيته في البروفة كان قاعد مترقب، المنتج ممدوح يوسف والد أولادي هو اللي رشحني وقالهم شوفوا مونيا، وأنا بحب التمثيل وبحب الغناء.

واستكملت مونيا حديثها: مكنش في غيرة بين بطلات المسلسل رغم أنهم سابقني بسنوات طويلة، الدور مكنش كبير كده ولما اشتغلت كنت بقعد في قعدات الكتابة، والمنتج كان بيحضر وبيتابع كل شئ، وكان بيشوف تفاصيلهم في المسلسل وهيعملوا ايه، ولما شافني أستاذ نور الشريف قال عايز دور مونيا يكبر هو وكل أبطال العمل، وكنت ملتزمة وبسمع كويس وأي حاجة بيقولهالي بسمعه.

'عائلة الحاج متولي' يعد من أشهر المسلسلات المصرية عرض في شهر رمضان عام 2001 على 12 محطة عربية.

ويناقش المسلسل مشاكل تعدد الزوجات ومشاكل الرجل الشرقي مع مشكلة تعدد الزوجات. في إطار يتسم بالمرح والجدية. وخلال المسلسل نلاحظ كيفية تعامل الزوج مع الزوجات الأربع اللواتي يعتبرن أنفسهن محظوظات في حياتهن الزوجية حيث يعيش كل أفراد العائلة في عز ورفاهية طوال الوقت تحت سيطرة الزوج والأب متولي.

حمل آبلكيشن FilFan ... و(عيش وسط النجوم)