هنادي مهنا: أنسحبت من تصفيات برنامج "ذا فويس" فرنسا وفكرت في اعتزال التمثيل بسبب مسلسل "أفراح إبليس"

قالت الفنانة هنادي مهني، إنها خاضت تجارب أداء برنامج اكتشاف المواهب الغنائية 'ذا فويس' في نسخته الفرنسية، أثناء إقامتها في إسبانيا.

وأوضحت هنادي خلال حوارها مع الإعلامى عمرو خليل في برنامج 'من مصر' المذاع على قناة CBC، أنها نجحت في التصفيات الأولى للبرنامج، ووصلت للتصفية مع 500 متسابق آخرين، لكنها اضطرت للانسحاب، بعد أن انشغلت بامتحاناتها الدراسية ولم تستطع حضور تجربة الأداء الخاصة بها.

وأضافت: 'بعدها الدنيا أخدتني أكتر، ورجعت مصر وكنت فى الأكاديمية مع والدي، وبحب التدريس للأطفال'.

وتابعت هنادي مهنا: 'أول عمل شاركت فيه فى مسلسل أفراح إبليس، وكلمنى المخرج وتواصل معايا، ومحدش يعرف أنا بنت مين، وجربت وكان الكلام بالصعيدى، ومنزلش، وكان بقالى سنة كنت بمثل ومفيش حاجة تنزل'.

واستكملت : 'سافرت برا وزعلت، وفكرت أن ممكن أشوف حاجة تانية أعملها، ورمضان 2019 كان أكثر سنة جالي فيها عروض كتيرة فيه، وشاركت فى 3 مسلسلات فى نفس الوقت وكان وشاركت فى مسلسل حكايتي وزلزال وبركة، وكنت باخد البطانية معايا العربية عشان كنت بنام فيها لأن كنت بتنقل من تصوير مسلسل لمسلسل، وكانت سنة حلوة أوي'.

وقالت هنادي مهنا عن دورها فى مسلسلها 'مكتوب عليا' مع الفنان أكرم حسني: ' أكرم كفنان بحبه جدا وبحب أغانيه، وعلى المستوى الانسانى مجتهد جدًا، ومبسوطة أن أنا اتعرفت عليه، وشخصية الكوميديا فى المسلسل كانت صعبة عليا لكن الحمد لله ربنا كرمنى بالدور'.

حمل آبلكيشن FilFan ... و(عيش وسط النجوم)