أحمد زاهر يرد على انتقادات أدائه في "سيد الناس": لجان كلنا عارفين مين وارها

رد الفنان أحمد زاهر على انتقادات البعض لأدائه في مسلسل 'سيد الناس' وقولهم أنه لم يقدم أي جديد عن دوره في مسلسل 'البرنس' الذي قدم في رمضان 2020.

وقال أحمد زاهر في لقاء مع ET بالعربي: 'مليش دعوة بكلام بعض الناس هي بالنسبة ليا شخصية جديدة أه شريرة وأنا عملت شر قبل كده أكتر من مرة وكل شرير ليه تفاصيله وله طريقته وانفعالاته'.

وعن الانتقادات التي تكتب عبر مواقع التواصل الاجتماعي: 'دي لجان وناس بتدفع فلوس عشان تشتم في زمايلها أنا مليش علاقة بالموضوع دا، نفسي يبتكروا يعملوا أكونت حقيقي لكن أغلبها مزيف لمجرد تدمير النجاح فقط لا غير وطبعا كلنا عارفين مين اللي وراها وأنا مش هتكلم في دا لأنه لا يعنيني'.

وعن سيطرة المخرج محمد سامي على الممثلين وطريقة أدائهم قال أحمد زاهر: ' أن محمد سامي بيسيطر على الممثلين اللي معاه ما طبعا أومال يسيبهم كل واحد يعمل اللي هو عايزة والدنيا تبوظ، المخرج القوي وأي مخرج لازم يسيطر على الممثلين اللي معاه ويوجههم بشكل أو برؤية هو شايفها وإحنا كممثلين بنسمع الكلام لكن دا مش معناه أن إحنا روبوت'.

ويعرض مسلسل 'سيد الناس' في تمام الساعة 11 مساء عبر قناة MBC مصر، والإعادة الساعة 4 عصرا، إلى جانب عرضه عبر منصة 'شاهد'.

قصة مسلسل 'سيد الناس'

عندما يموت زعيم عائلة أبو العباس، يوصي لابنه جارحي بالعائلة وميراث العائلة. هذا الإرث ليس مالاً ولا جاها بل مصائب يومية لايتخيلها عقل من الأعمال غير المشروعة في الذهب والألماس والمخدرات والفساد.

span Class=NewsSubTitleText>أبطال مسلسل 'سيد الناس'

مسلسل 'سيد الناس' بطولة عمرو سعد، خالد الصاوي، الهام شاهين، منه فضالي، أحمد فهيم، رنا رئيس، نشوى مصطفى، عماد زيادة وآخرين، تأليف وإخراج محمد سامي.