لايف ستايل
موقع كل يوم -مجلة لها
نشر بتاريخ: ٣١ أذار ٢٠٢٣
منة فضالي
حلت الفنانة منه فضالي ضيفة على برنامج 'VIP' الذي تقدمه الإعلامية أميرة بدر على قناة 'هي'، حيث شنت هجوماً حاداً على الفنانة ياسمين صبري، قائلة إنها جميلة وشيك لكنها ممثلة ضعيفة والتمثيل عايز موهبة ولو معنديش موهبة ممكن أدرسه وهذا ليس عيباً.
وتابعت منة: 'من الممكن إن الواحد يكون لسه بيبدأ ومبيعرفش يمثل بس مينفعش أعمل دور بطولة'، مضيفة: 'القماشة هتبقى واسعة على البني آدم ولو هي عايزة تمثل وتبقى نجمة ونمبر وان زي ما ياسمين صبري عايزة تبقى بطلة تشتغل على نفسها علشان محدش يعلق عليها'.
وأكدت أنها لا تعرف كيف حصلت ياسمين صبري على أدوار البطولة لكنها سيدة جميلة وشيك وبتشرف مصر ووجه جميل وموديل حلوة جداً، ولكنها ورغم ذلك قامت بعمل أداء جيد في مسلسل 'الأسطورة'.
وعن حقيقة تعرضها للسحر، على يد إحدى الفنانات، وذلك من خلال سمكة، قالت: 'ده طليقي مش فنانة، واحدة قالتلي طليقي كان طلب مني أعملك عمل وأرميهولك في البحر والعمل ده اتفك لما السمكة ماتت، بس ده طبعاً كلام هبل مافيش حاجة اسمها كدا'.
وعن أزمة خلافها مع الفنانة دينا الشربيني بسبب مساعدتها، قالت: 'محصلش ومتخانقتش مع دينا الشربيني، اللي حصل إن المساعدة اختفت يومين وأختها اللي كانت معايا في اللوكيشن ومنعرفش عنها حاجة واضطريت أنزل البوست على فيس بوك عندي، لحد ما بنتها كلمتني وقالتلي لقينا ماما محبوسة، وكلمت دينا الشربيني وقالتلي إنها في دبي ولكن لما تنزل هتطلعها وتتنازل عن المحضر'.
واستكملت منة: 'وفعلاً دينا الشربيني نزلت واتنازلت عن المحضر وطلعوها، ومعرفش هي سرقت ولا لا لأن ممكن يكون حد حابب يوقع بينها وبين دينا، وأصلاً مش دينا اللي مبلغة عنها دي بلغت على أن مجوهراتها اتسرقت ولكن حد بلغ أنها المساعدة، لكن مافيش بيني وبين دينا أي خلافات'.
وكشفت منة أنها تعرضت منذ فترة طويلة لحرب من نجمة كبيرة، وقالت: 'من زمان ونجمة كبيرة جداً وكبيرة سناً بتحاربني، ومش عارفة ليه بتعمل كده'.
وأضافت: 'اشتغلنا مع بعض كتير، وكان عندنا مسلسل لدولة عربية وأنا البطلة، والمنتج كلمها في التليفون وسمعني المكالمة، وقالت كلام مش لطيف عني'.
وتابعت: 'هي سودا من جوا، ومقدرش ألوم عليها، ممكن تكون مريضة وكبرت وخرفت'.
وكشفت منة فضالي عن أنها ردت على موقف تلك النجمة تجاهها بقولها: 'كانت مرشحة لإعلان وطلبوا مني أجيب لهم نجمة، مشيتها ورشحت نجمة تانية، ومشيتها من عمل تاني لنا مع بعض، أنا اتقرصت منها كتير وعمري ما أسيب حقي'.