عمرو أديب: كيروش عنيد عند "الفيل" ونتيجة مصر وغينيا بيساو غير مرضية

اعتبر الإعلامي عمرو أديب فوز منتخب مصر على غينيا بيساو بنتيجة 1 - 0، في المباراة التي جمعتهما مساء السبت في الجولة الثانية من كأس الأمم الإفريقية 2021، نتيجة غير مرضية.

وخلال تقديمه برنامج 'الحكاية' المذاع عبر قناة MBC مصر، علق عمرو أديب على المباراة قائلا: 'طبعا نتيجة غير مرضية لكن حصلنا على 3 نقط، وإن شاء الله ماتش السودان الأداء يتحسن، ولولا العارضة كنا كسبنا 3 - 0، غير جول ألغاه الفار والحكم، فكان ممكن الوضع يكون أسوأ، ودي مش الفرقة اللي تتوقع إنها هتنافس على كأس الأمم الإفريقية، إلا لو تلبستهم روح فرعونية.'

‎‎

وأضاف عن المدير الفني كارلوس كيروش: 'في حاجات هو مصر يعملها مش فاهمين له، خروج مصطفى محمد دايما، البداية بعبد الله السعيد دايما، وفي أشياء تعتبر ألغاز مش مفهومة، هو في دماغه حاجات عايز يعملها وعنيد عند الفيل.'

عمرو أديب يعلق على فوز مصر على غينيا: كيروش عنيد عند الفيل

وتابع: 'لازم نفهم بعد ما تعدي السودان إنت داخل على فرق كلها بتنافس بعنف وربنا يستر، وأنا مش قادر أفهم معانا توليفة لعيبة محترمين وموهوبين ومعلمين في فرقهم، وفي النهاية بتغلب غينيا بيساو بالضالين.'

حمل آبلكيشن FilFan ... و(عيش وسط النجوم)