محمد ممدوح: وأنا صغير لقيت غريق في البحر ومشيت عليه ووقفت على جسمه مكنتش فاهم

حكى الفنان محمد ممدوح عن موقف لا يمكن أن ينساه في طفولته سبب له أزمة نفسية لفترة.

وحكى محمد ممدوح خلال لقاء مع برنامج 'وان تو وان': 'وأنا صغير لقيت غريق في البحر ومشيت عليه وقفت على جسمه مكنتش فاهم دا إيه، صورة وحشة أوي كان جلده دايب ولغاية دلوقتي ملمسه مش بنساه ولما بنزل البحر وملاقيش طول بيجيلي نفس إحساس زمان'.

وتابع محمد ممدوح حكايته: 'كنت صغير أوي وكنت أنا وعيلتي ودخلنا المايه بالبدال ونزلت أنط في البحر ومشيت على الجثمان دا، واتعرضت للموقف دا تاني بس أغمى عليا وجاتلي صدمة ولما فوقت كنت في مكان تاني وحاولوا يفهموني أن محصلش حاجة وكان عندي حمى وتعبان لأني أغمى عليا من الخضة يوم ونص ومش عايز أحكي الموقف لأنه كان وحش أوي'.

على جانب آخر، بدأ محمد ممدوح تحضيرات فيلم 'حتة مني' وعلي صبحي.

ويدور 'حتة مني' حول أب يمر بأزمة مالية ويتعرض لحادث غريب أثناء رحلته مع سمسار الذي عرض عليه بيع كليته، ليدخل عالم تجارة الأعضاء في إطار تشويقي كوميدي، الفيلم من بطولة 'محمد ممدوح' و'علي صبحي' ومن إخراج 'مريم أحمدي' ومن تأليف 'أحمد عماد'، وإنتاج شركة 'سي سينما برودكشنز' هاني نجيب وأحمد فهمي.

يذكر أن محمد ممدوح عرض له مؤخرا فيلم 'روكي الغلابة'.

فيلم 'روكى الغلابة' يعد ثاني بطولة سينمائية للفنانة دنيا سمير غانم بعد فيلم 'تسليم أهالي' والذي عرض عام 2021.

وتدور أحداث 'روكي الغلابة' في إطار اجتماعي لا يخلو من الكوميديا والمواقف الإنسانية، حيث تلعب دنيا سمير غانم دور فتاة تنتمي لبيئة ريفية بسيطة، وتجد نفسها فجأة وسط عالم مختلف حين تنخرط في عالم الملاكمة، وتُكلّف بمهمة غير متوقعة وهي حراسة طبيب يجسد دوره الفنان محمد ممدوح، تتعرض حياته للخطر من جهات غامضة.

ويشارك في بطولة الفيلم إلى جانب دنيا ومحمد ممدوح، كل من محمد ثروت، وأحمد طلعت، وبيومي فؤاد، ومحمد رضوان، وكايلا ابنة دنيا سمير غانم، وهو من تأليف كريم يوسف، وإخراج أحمد الجندي.