غادة عبد الرازق: اللي بيقول أنه الأعلى أجرا يستفز الجمهور

تحدثت الفنانة غادة عبد الرازق عن النجوم الذين يتحدثون دائما أنهم الأعلى أجرا.

وردا على سؤال من الفنانة الاعلى أجرا قالت غادة عبد الرازق خلال لقائها في برنامج 'حبر سري'معرفش مين النجمة الأعلى أجرا حاليا لأن مبقاش حد بيقول الأجر بتاعه'.

وتابعت غادة عبد الرازق: 'واللي بيقول إنه الأعلى أجر دا غلط لأنهم من غير ما يحسوا بيستفزوا الجمهور الحاجات دي بتضايق شريحة معينة وبتضايق زمايلك والناس اللي شغالين معاك في المهنة ومبيقدروش ياخدوا أجور كبيرة لازم تفكر في اللي إنت بتقوله هيضايق مين ويأذي مين أنت ربنا مكسبك حاجات كتير أوي'.

وتطرقت غادة عبد الرازق للحديث عن الأدوار التي لا يمكن أن تقدمها مجددا مثل دورها في فيلم 'حين ميسرة' وقالت إنها حاليا لا يمكنها تقديم هذا الدور موضحة: 'أولا دلوقتي في مرحلة لا تسمح إني أعمل دا عندي أحفاد ولازم احترمهم أوي ومش عايزة أعمله لأنه اتعمل خلاص واعتبر إني جبت سقفه لما عملته في حين ميسرة وثانيا مكانتي وسني ميسمحش إني أعمله تاني'.

يذكر أن آخر أعمال غادة عبد الرازق مشاركتها في رمضان 2025 بمسلسل 'شباب امرأة'.

إلى جانب غادة عبد الرازق، يشارك في بطولة المسلسل كل من يوسف عمر، محمود حافظ، ومحمد محمود، وجوري بكر، ولينا صوفيا بن حمان، وداليا شوقي، وحسن أبو الروس، ورانيا منصور، وطارق النهري.