لايف ستايل
موقع كل يوم -في فن
نشر بتاريخ: ٢ أيلول ٢٠٢٥
كشف النجم أحمد السعدني عن أنه لجأ للطبيب النفسي في عمر مبكر.
وقال أحمد السعدني خلال لقائه مع الإعلامي أنس بوخش في برنامج abtalks: 'كنت بحب واحدة جدا ومكنتش عارف أتجاوز، رحت له مرة وماساعدنيش، وأستمديت الفكرة من إن أبويا وأنا صغير وداني لدكتور واتبسطت، واتعلمت من وأنا صغير أطلب مساعدة من حد متخصص لو في حاجة مش قادر عليها، مش عيب، ورحت له مرة واحدة'.
أوضح أحمد السعدني أنه مر ببعض المواقف التي أثرت في نفسيته في مرحلة الطفولة قائلا: 'وإحنا صغيرين كنت بنام أنا وأختي في أوضة واحدة، وسريرها كان جنبه ورق حيطة عليه غابة مرعبة ومش مناسب للأطفال خالص، وكنت مبعرفش أنام'.
وتابع: 'نفسية الطفل غريبة جدا، والمشكلة بتفضل ماشية معاك بقية عمرك، مثلا أنا بكره يوم عيد ميلادي، وليلة عيد ميلادي الساعة 12 بالليل بقفل التليفون واختفي'.
وكشف أحمد السعدني سبب هذه العادة بقوله: 'وأنا عندي 7 أو 8 سنين عملت عيد ميلادي في البيت في شهر يوليو، كانت أجازة المدرسة وكل العيال مسافرين، وعيد الميلاد بدأ الساعة 6 ولحد الساعة 8 في اتنين بس جم البيت، لدرجة إني نزلت وقفت في الشارع أستنى الناس وفي الآخر كان في 3 بس، ومن بعدها قررت مش هعمل عيد ميلاد'.
يذكر أن أحمد السعدني عرض له في شهر رمضان الماضي مسلسل 'لام شمسية'، من تأليف مريم نعوم وورشة سرد، وإخراج كريم الشناوى، وإنتاج شركة ميديا هب – سعدي وجوهر، وبطولة أمينة خليل، أحمد السعدنى، محمد شاهين، يسرا اللوزى، ثراء جبيل، صفاء الطوخى ياسمينا العبد والطفل علي البيلي وعدد آخر من الفنانين.
