أحمد العوضي عن تكرار أدواره: كل مرة بينجح أكتر من السنة اللي قبلها

رد الفنان أحمد العوضي على الانتقادات التي توجه له لتكراره نفس الأدوار كل عام.

وقال أحمد العوضي خلال لقاء مع 'عرب وود': 'مبيهمنيش أنا إخواتي كتار أوي في ناس مبتحبش أحمد العوضي بس أنا مبزعلش من الانتقاد مبزعلش من أي حاجة مش لازم كل الناس تتفق عليا لازم يبقى عندنا المنطق دا في حياتنا عشان نعيش مرتاحين ومبسوطين'.

وتابع أحمد العوضي: ' في واحد بيحبني وفي واحد مبيحبنيش، واحد معجب بشغلي وواحد مبيعجبش بشغلي، يهمني في الآخر أن الحشد الواسع بيتفرج على مسلسل أحمد العوضي وبيحب أحمد العوضي'.

وعن تكراره لنفس الدور كل عام قال أحمد العوضي: 'أنا بعمل اللي إخواتي بيطلبوه مني، بيتقال أن أحمد العوضي بيعمل الكلام دا بقاله 4 سنين ما كل مرة بينجح أكتر من السنة اللي قبلها'.

وينافس أحمد العوضي في موسم رمضان 2025 بمسلسل 'فهد البطل'.

مسلسل 'فهد البطل'، من بطولة الفنان أحمد العوضي وميرنا نور الدين وأحمد عبدالعزيز ومحمود البزاوي ولوسي وكارولين عزمي ويارا السكري وعصام السقا وصفاء الطوخي وحجاج عبد العظيم وكذلك محسن منصور وحمزة العيلي.

كما يشارك في التمثيل أحمد ماجد وعايدة رياض وصفوة ومصطفى حشيش وعايدة فهمي ومجدي بدر ومحمد مهران ومحمد صلاح آدم ومحمد أبو داود ومراد فكري صادق، وهو من إخراج محمد عبدالسلام وتأليف محمود حمدان.