وفاء عامر: الست السبب في خيانة زوجها!

قالت الفنانة وفاء_عامر، أن تصريحها المثير للجدل حول خيانة الزوج للزوجة سيكون السبب من الزوجة نفسها، مستمرة فيه حتى الأن ومقتنعه بما ذكرته في ذلك الشأن.

وتابعت وفاء عامر خلال مداخلة هاتفية في برنامج 'تفاصيل'، الذي تقدمه المذيعة نهال طايل، عبر فضائية 'صدى البلد 2': 'لسه لحد دلوقتي عند كلامي في التصريح ده، الست السبب في حاجات كتير، أنا اللي أخترت الراجل فعليا أحافظ عليه فلو أختياري كان غلط يبقى أنا اللي أخترت غلط والسبب مني'.

وأستكملت 'عامر': 'لازم يبقى بيني وبين الزوج والزوجة مبدأ الأخد والعطا اللي ميخليش زوجي يخوني مبقاش كاتمه على نفسي ومش عارف يقابل أصحابه ومهملة في شؤن بيتي، كل واحد عليه حاجات منبقاش مضايقين بعض.. كوني صاحبه لزوجك علشان يكون صديق وفي وكوني له أم يكون ليكي أب.. أرجو محدش يزعل مني ولو واحده زعلانه من زوجها أنا موجودة أصالحهم على بعض'.

كما ردت الفنانة وفاء عامر، عن الإنتقادات التي طالتها بسبب حملة إفطار الصائمين لأول مرة بعد إنتشار فيديو عبر السوشيال ميديا من خلال بعض المواقع الإخبارية.

وتابعت: 'كنت بجهز الفطار في اليوم ده وصاحبتي أقترحت عليا أننا نصور اللي بنعمله ولكني رفضت وقولتلها مش عاوزه ده.. وكنا بنعمل ده في فيلا الفنان الراحل حسن حسني وأول ما شوفت زوجته في الفيلا بتاعتها حضنتها وقولت للمصور بلاش تنزل ده أرجوك وده باين في الفيديو'.

وأستكملت وفاء عامر، حديثها قائلة: 'أنا مش محتاجه ده ومش لابسه لبس تصوير ومش حاطه ميكب وكنت لسه مخلصه صلاة العصر ومحدش يزايد على حد والخير كتير في بلدنا.. أنا ابتديت بوجبتين وبعدين 10 وجبات وبقوا بيزيدوا كل فترة'.