مها أحمد: مجدي كامل بيحبني عشان حلوة وبيدلعني يا "وزة"

عبرت الفنانة مها أحمد عن حبها الشديد لزوجها الفنان مجدي كامل وقالت عنه 'سيدي وتاج راسي'.

وقالت مها أحمد خلال استضافتها ببرنامج 'أسرار' مع الإعلامية أميرة بدر المذاع على قناة النهار:'مجدي بيحبني عشان حلوة وأمورة ومتجددة طول الوقت والكلام ده المفروض تعمله كل الستات، وانا بتشقلب في البيت، وبيحبني كمان عشان شبه مامته، وست مكافحة وبيدلعني بيقولي يا وزة وحياتنا كلها متخرجش بره ولو هعيش معاه بـ 1000 جنيه أو 10 جنيه هعيش موافقة، وجبت أجهزة بيتي كلها بالقسط ساعة الجواز، والست متسامحش في الخيانة وأنا عمري ما اتخانت وأنا ست كاملة متكاملة وقمر وبحب ادلع واتدلع، ومجدي طول عمرنا أول مايرجع البيت بيناديني يا وزة وياخدني وأنا قصيرة كده في حضنه ويحط دماغي على صدره'.

وتابعت مها أحمد: 'ممكن أكون حسدت نفسي عشان متجوزة راجل زي الفل، دكتور وبقالنا 30 سنة متجوزين، مسبتش البيت مرة، بيعشقني وهو سيدى وتاج راسي وجزمته على دماغي، وأنا مبعرفش اتخانق، وساعات أكون متعصبة جدا عليه لأني عصبية شوية ولما يخرج من الأوضة أقوله مجدي اعملي معاك شاي والموضوع يخلص، وهو استغرب ده في أول الجواز'.

برنامج 'أسرار' تقدمه الإعلامية أميرة بدر على شاشة النهار يوميا في تمام الساعة التاسعة والنصف مساء، تستضيف من خلاله عدد من نجوم الفن والرياضة والسياسة في مصر.

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل