رامي جمال: جمهور الموسيقى بقى جمهور كورة متعصب

تحدث الفنان رامي جمال على ما يحدث عبر مواقع التواصل الاجتماعي من خلافات بين جمهور كل فنان ووصف ما يحدث أنه أشبه بتعصب جماهير كرة القدم.

وقال رامي جمال عبر حسابه على Instagram: 'موسم جميل للموسيقى المصرية ألبومات كتير جميلة بس شايف حاجة مش عجباني أن جمهور الموسيقى بقي جمهور كورة أوي ومتعصب ولجان وناس تقلل من مجهود المطرب اللي مش بتسمعوا على فكرة الصراع اللي بيتعمل ده المطربين نفسهم مش عايشينه يعني إحنا كلنا محدش بيبص للتاني وكلنا ناجحين وورانا شركات كبيرة وما بين نجاحنا وحفلاتنا وسفر وألبومات نحب طبعا المنافسة بس أكيد اللي مش بيعجبك بيعجب غيرك والعكس شايف كمان بعض النقاد اللي مش دارسين بيدخلو في النص بآراء ياريتها لو صح'.

وتابع: 'في الآخر مبروك لكل زمايلي اللي ألبوماتهم نزلت الموسيقى فن راقي وممتع وهدفنا أولا وأخيرا سمعة الفن والبلد العظيم اللي بنمثله مصر '.

واختتم رامي جمال رسالته: 'أنا مبسوط جدا باللي وصلتله واللي زمايلي وصلوله واللي أساتذتنا وصلوله واللي أجي أجمل للكل وأتمنى أنا شخصيا إني أكون أحسن من اللي وصلتله وشكرا لكل الجمهور اللي بيقدر الفن اللي بنقابله في كل مكان في مصر وكل الدول العربية'.

على جانب آخر، كان رامي جمال طرح أحدث ألبوماته وحمل اسم 'دي علامة'، وقدم خلاله 16 أغنية.