بالفيديو - حرب التصريحات تشتعل بين بوسي وطليقها

بوسي

اشتعلت حرب التصريحات بين المطربة بوسي وطليقها رجل الأعمال هشام ربيع إثر لقائها في برنامج 'العرّافة' مع بسمة وهبة، فبعد ردّ هشام عليها واتّهامها بالكذب في كل ما قالته، عادت بوسي لتردّ على تصريحات طليقها وتُشعل الأجواء من جديد، وذلك من خلال تسجيل صوتي نشرته بسمة وهبة عبر صفحتها الشخصية في 'إنستغرام'.

قالت بوسي في التسجيل الصوتي: 'شوفتي يا بسمة، وتقولي أقوله بحبه أنا ندمانة إني قلت الكلمة دي ومكنش ينفع أقول كده'.

وأضافت بوسي: 'شوفتي طالع يقول إيه وبيتكلم في عرضي وشرفي، من ساعة ما حصلت المشاكل وأنا عمري ما جبت سيرته بكلمة وحشة، لأن دي تربيتي وأخلاقي، دا الفرق بين تربية شارع الهرم والكباريهات وتربية ابن الناس اللي بيفهم في الأصول'.

واستكملت: 'مكنتش متخيّلة إن الشهرة واكلة دماغه وإن هو بيستغل الشهرة على قفايا، على قفا الست اللي كانت مراته في يوم من الأيام، اللي كانت بتنام جنبه على سرير واحد، وبياكلوا عيش وملح مع بعض... أنا مصدومة معنديش كلام أقوله بجد، والمشكلة إني يوم الحلقة بعد ما مشيت جه واتعشّى معايا وكانت علاقتنا كويسة جداً، ومكنتش متخيّلة إن بعد الكلام الكويس اللي قولته واطلّعه مظلوم وإنه اتعرّض للنصب، يبقى جزائي يتكلم في شرفي وعرضي!'.

واختتمت بوسي حديثها قائلةً: 'مش قادرة أقول غير حسبي الله ونِعم الوكيل، دا الفرق بين تربيتي وأخلاقي وتربيته، والمشكلة مش عامل حساب للشهر الفضيل، وإننا في رمضان، وكان بيعمل عمرة وفي بيت الله وقدّام الكعبة، وطالع بيتكلم عن مراته اللي كانت في يوم من الأيام على ذمته وشرفه... أنا غلطانة إني قلت عليه كلمة حلوة، دا معملش حساب للعِشرة، دي ملهاش علاقة لا بالرجولة ولا بالأخلاق مع إن النهايات أخلاق، وحسبي الله ونِعم الوكيل'.