لايف ستايل
موقع كل يوم -في فن
نشر بتاريخ: ١٧ أيلول ٢٠٢٥
كشفت الفنانة نيللي كريم أنها حتى الآن لم تتعاقد على أي مسلسل لرمضان 2026، بل وتفكر في أخذ استراحة هذا العام.
وقالت نيللي كريم في لقاء مع ET بالعربي: 'أنا مفيش حاجة السنة دي السنة دي مش عارفة هعمل إيه بصراحة وبفكر إني أريح أخيرا إلا لو جالي ورق أحب إني أعمله'.
وكشفت نيللي كريم عن رأيها في المسلسلات القصيرة 15 حلقة وقالت: 'محبش اشتغل 15 حلقة بصراحة يمكن دا تصريح، وجهة نظري هو المجهود مجهود بيتعمل 15 بالنسبة ليا زي الـ30'.
وتابعت نيللي كريم: ' 30 حلقة حضور تقيل بس الفكرة عشان الورق كمان يكون يستحمل أنه يبقى 30 حلقة الأعمال اللي قبل كده اللي اشتغلتها على مدار سنين طويلة من سنة 2013 من بداية 'ذات' كانت تستحق أنها تكون 30 حلقة كانت مبنية على دراما تقيلة وكان في شخصيات مكتوبة بشكل عميق جدا وكل شخصية موجودة في كل المسلسلات اللي قدمتها إلا بعض حاجات مينفعش تشيليها هي فكرة الورق، ورق الـ30 حلقة يتكتبوا أن كل حلقة أحسن من التانية عشان وانتي بتتفرجي تبقي عايزة تشوفي اللي بعديها دي ترجع للكاتب'.
وأضافت نيللي كريم: '15 حلقة لذيذ بس أحب أعمله أوف سيزون 10 حلقات أو 15 حلقة لكن في رمضان السنة اللي فاتت قدمت أول حاجة 15 حلقة أعملها لكن أنا معروف أني بقدم 30 حلقة، رمضان محتاج 30 حلقة'.
وعن أخبار تعاونها مع شركة العدل جروب مجددا في مسلسل جديد قالت نيللي كريم: 'أنا يشرفني أني اشتغل مع العدل جروب لأن هما مش بس شركة اشتغلت معاهم على المستوى الشخصي والإنساني أستاذ جمال وأستاذ مدحت العدل عملنا كتير أعمال ناجحة من أنجح الحاجات اللي عملتها 'سجن النسا' و'تحت السيطرة' و'بـ100 وش' حاجات كتير سنين قعدنا نشتغل وننجح مع بعض بحبهم جدا بعيد عن الشغل أستاذ جمال كمان جاري فإحنا بنشوف بعض وبنسلم على بعض، أنا مفيش حاجة السنة دي السنة دي مش عارفة هعمل إيه بصراحة وبفكر إني أريح أخيرا إلا لو جالي ورق أحب إني أعمله'.
