سوسن بدر: اشتراط إخطار الزوجة بالزواج الثاني بالقانون يضعها في ورطة

حلت الفنانة سوسن بدر ضيفة على أولى حلقات برنامج 'الستات' الذي تقدمه الإعلاميتان سهير جودة ومفيدة شيحة على قناة النهار، وطرحت الحلقة للنقاش موضوع اشتراط القانون قيام الزوج بإخطار زوجته الأولى في حال قرر الزواج مرة ثانية.

وقالت سوسن بدر: 'الزاوج الثاني حق للراجل لكنه حق عليه شروط كثيرة جدا وضوابط والمسألة مش مفتوحة.'

‎‎

وأضافت: 'ساعات حق الاختيار ممكن يكون مشكلة، طبعا مفيش ست هتكون مبسوطة 100% لو زوجها تزوج مرة ثانية، مع إننا شوفنا مؤخرا نماذج ستات معندهاش مشكلة. وشوفنا ست اختارت لزوجها زوجة، وده ممكن يكون اختبار لولائها له أو قوة إيمانها ومسميات أخرى.'

‎

وتابعت: 'أنا مش عارفة هل الشرع يشترط إعلام الزوجة الأولى، لكن لو ده حصل بالقانون الزوجة تقع في ورطة، لإنها ممكن تكون مش قادرة تطلب الطلاق، وفي الحالة دي هتقبل وهي متضايقة. القانون يعطيها حق القرار في طلب الطلاق، وفي نفس الوقت ممكن هي مش عايزة تتطلق.'

وكان لمقدمتي البرنامج رأيان مختلفان في الموضوع، فمن جهة أوضحت مفيدة شيحة أنها تفضل معرفة الزوجة بالزواج الثاني، أما سهير جودة فرأت أن الأفضل أن لا تعرف.

لو فاتك- ليه كل الناس بتحب تتابع 'تيك توك' ريا أبي راشد؟ الفيديو ده هيقدم لك الإجابة

حمل آبلكيشن FilFan ... و(عيش وسط النجوم)