وفاء عامر تصون صداقتها لريم البارودي وهذا ما قالته!

علقت الفنانة المصرية وفاء_عامر، على خلافها مع النجمة ريم_البارودي، حسبما صرحت الأخيرة في لقاء تلفزيوني بأنه أنقطع التواصل بينهما لمدة عام وشهرين بسبب عدم وقوفها معها في أزمتها الأخيرة.

وقالت وفاء في تصريحات تلفزيونية:'ريم أختي الصغيرة واتربت في بيتي وأنا بحبها جدا ومش زعلانه منها لأني عارفه أنها اتجرجرت في الكلام وريم دخلت معايا حجر الكعبة الشريفة بس منزلناش الصور دي على الانستجرام'.

وأشارت وفاء عامر، إلى أن ريم البارودي كان تمسك يدها أثناء أدائهما فريضة العمرة، وحديثها عن خلافهما في أحد البرامج من قبل ريم كان دون قصدها، معقبة: 'أنا مسامحة ومش قصدها وأنا واثقه من ده'.

اضافت قائلة: 'البنت دي كويسة جدا وطيبه ومبتعرفش تخبي حاجه وعبيطه وبني ادمه حقيقيه مش مزيفه'.

استكملت: 'أنا مش محتاجه حاجه من حد علشان أقول كده ومش هطلع أكل عيش على صداقة سنتين وأخوة سنين وعلى عمر.. عيب أنا معملش كده، ومعتقدش إني أنا علشان هي قالت عليا كلمة أطلع أخبّط فيها'.