ممثلة مصرية – لبنانية تعلن تفاصيل مشاجرة ابن طارق العريان – صورة الممثلة

اوضحت الفنانة المصرية المقيمة في لبنان شيرين أبو العز، تفاصيل ما حدث في مشاجرة عمر نجل المخرج طارق_العريان، مع مجموعة من الشباب في أحد الملاهي الليلية.

وقالت شيرين في تصريحات صحافية: 'كل الكلام اللي تم تداوله على السوشيال ميديا خطأ، عمر ما ضربنيش بالقلم، الحكاية من البداية حصلت كنت سهرانة مع صحابي في مكان، وقابلت عمر بالصدفة قربت عشان أسلم عليه لأني أعرفه، وتربطنا صداقة عمل، وكانت معاه بنت شدته، وكل الناس في المكان خدت بالها، رحت رجعت على الطاولة تاني، وكان قاعد على الطاولة جنبنا عمر والبنت اللي معاه وشنا في وش بعض'.

تابعت: 'البنت اللي مع عمر فضلت تعمل حركات استفزازية وكلام ما يتقالش، فقام أحد الأشخاص من أصدقائي، وقالها كفاية الناس كلها بتبص علينا، شيرين معملتش حاجة لكل ده.. قعدت تزعق له، وجه عمر وكان بره وفضل يزعق في الشاب بدل ما يعرف المشكلة و اتخانقوا سوا، عمر ضربني بجردل الثلج على جسمي، وطول الخناقة فضلت قاعدة على الكرسي وصحابي دافعوا عني، جه عمر عايز يمشي من المكان طلع على طرابيزة وبينط رجله اتكسرت، ومحدش لمسه، والخناقة كلها بسبب أسما سليمان، هي اللي كانت مع عمر وبدأت الخناقة مش أنا سبب الخناقة، وده بالضبط اللي حصل'.

وصرح عمر العريان، نجل المخرج طارق العريان أيضًا، عن كواليس مشاجرته في لبنان، وإجرائه عمليات جراحية لوسائل إعلام محلية، قائلًا: 'أنا قومت بالسلامة الحمد لله، وأجريت عمليات جراحية في يدي وقدمي بسبب بعض الكسور'.

وأضاف: 'حصلت مشكلة كبيرة جدًا في لبنان، والواحد اتظلم فيها جامد، والناس افتروا علينا أنا مضربتش حد بالقلم”.

ويمكث عمر العريان حاليًا، في أحد المستشفيات في لبنان، حيث يجهز أوراق سفره للعودة إلى مصر، بعد يومين.

وكان عمر الابن الأكبر لطارق العريان، تعرض لإصابات بالغة بسبب خناقة واشتباكات بالأيدي مع عدد من الشبان اللبنانيين، أثناء تواجدهم في ملهى ليلي، بسبب حدوث شجار بين حبيبة عمر العريان، والممثلة شيرين أبو العز ، ليقوم الشباب المتواجدون بالتعدي بالضرب على عمر ابن طارق العريان، ما استدعى إجراء 3 عمليات جراحية في قدمه ويده بسبب الجروح، كما استمعت الشرطة إلى أقوال شهود الواقعة، وما يزال التحقيق جارٍ في ملابسات الواقعة.