صبا مبارك: مش راضية عن نهاية "ورد على فل وياسمين"

كشفت الفنانة صبا مبارك أنها غير راضية عن نهاية مسلسلها 'ورد على فل وياسمين' الذي انتهى بموت 'إلهام' الشخصية التي قدمتها.

وقالت صبا مبارك خلال لقائها في برنامج 'منا وفينا' عبر 'المشهد': 'أنا شخصيا الموضوع بالنسبالي أخدته بشكل شخصي وعاطفي حرام ليه تموت خليها عايشة خليهم ينتصروا أو خلوها نهاية مفتوحة، لكن في النهاية في قرارات فنية وإبداعية تخص الكتاب والمخرج'.

وتابعت: 'مش راضية عن النهاية مش عايزاها تموت وعايزة قصة الحب تنتصر وعايزة يفضل في أمل، متفاجئتش من النهاية لأني في المشروع دا من كتير وعارفة تفاصيله وعملت كل حاجة كنت زي الأطفال بترجاهم عشان النهاية بس في الآخر فاهمة وجهة النظر وأنا من المدرسة اللي بتحترم سلطة المخرج وتفكير الكاتب، النهاية مش شيء بيظهر فجأة ونقدر نغيره هو شيء مفكر فيه بشكل كامل'.

وعن نجاح مسلسل 'ورد على فل وياسمين' في الوطن العربي قائلا: 'سر نجاح المسلسل على قد ما هو دافي وبسيط والناس تحس أنك تعرفهم في حياتك، بنات بنشوفهم في المجتمع إحساس أن العالم دا عارفة وفي نفس الوقت مفيش تكلف كل شيء طبيعي، وبنتكلم عن طبقات مش بتم الحديث عنها الطبقة المتوسطة وتحت المتوسطة'.

مسلسل 'ورد على فل وياسمين' بطولة صبا مبارك، أحمد عبد الوهاب، فدوى عابد، هديل حسن، سلوى محمد علي، ميمي جمال، وإسماعيل فرغلي، وهو من إخراج محمود عبدالتواب، وتأليف عمرو سمير عاطف ووائل حمدي.