نادية الجندي: أنا ست متصالحة مع نفسي ومعنديش منافسين

تحدثت الفنانة نادية الجندي عن التعليقات السلبية التي تكتب لها عبر مواقع التواصل الاجتماعي ووصفتها بأنها حملات إلكترونية.

وقالت نادية الجندي في لقاء مع ET بالعربي: 'في أغراض شخصية وفي منافسة أو مش عايزة أقول منافسة لأن الحمد لله أنا معنديش منافسين بقى في أساليب لتدمير أي ناجح وهي أساليب غير شرعية جيوش إلكترونية مدفوعة الأجر أنا لا بهتم وهي أشياء المفروض متأثرش فيا ولا بتتبعها إطلاقا'.

وأكدت نادية الجندي أن الفنان لا بد أن يكون قدوة لجمهوره وقالت: 'الفنان لازم يبقى قدوة ودا جزء من عملي مينفعش إن أنا أعمل أدوار فيها أكشن ومجهود وفيها لياقة بدنية إلا لو كنت أنا جسمي مناسب وفي الشكل اللائق عشان احترم جمهوري فجمهوري يحترمني، ودا جزء من عملي بتدفع التمن إنك تحافظ على جسمك على طول تحرم نفسك من حاجات كتير'.

وعن طريقتها في الحفاظ على جمالها ولياقتها: 'أنا ست متصالحة مع نفسي معنديش غل ولا حقد والحمد لله حب الجمهور والنجاح اللي وصلتله وثقتي بنفسي وفي جمهوري وربنا قبل كل شيء دا بيخليني على طول في الحالة اللي ببقى فيها'.

يذكر أن نادية الجندي تم تكريمها في حفل افتتاح الدورة السادسة من مهرجان القاهرة للسينما الفرنكوفونية.