هاني شنودة يشبه الذكاء الاصطناعي بـ"التوك توك": تشويه لماضينا.. ويجب عدم المساس برموزنا

انتقد الموسيقار الكبير هاني شنودة تقنية الذكاء الاصطناعي.

وقال هاني شنودة في مداخلة هاتفية مع الإعلامي سيد علي ببرنامج 'حضرة المواطن': 'لازم المبدعين وجميعة المؤلفين والملحنين والنقابة والقانونيين ومجلس النواب يقعدوا مع بعض يشوفوا نعمل قوانين للذكاء الاصطناعي لأنه هيمس الماضي مش الحاضر بس'.

وأضاف: 'لو حد جاب حد من النجوم وحزمه ورقصه مسؤولية مين؟، حفيدي هيشوف الحاجة دي ويقول أهو ده اللي كنتوا بتقولوا عليه أهو قاعد يرقص بلدي اهو على واحدة ونص'.

وشبه هاني شنودة الذكاء الاصطناعي بالتوك توك قائلا: 'لو نتذكر أول توك توك دخل مصر لو كنا وضعنا له شروطا لقيادته مكناش وقعنا فيما نحن فيه الآن وأصبح لدينا مشكلة'.

وتابع هاني شنودة: 'ممكن الذكاء الاصطناعي ده يشوه الماضي ممكن تعمل عبد الناصر بيغني، مينفعش، أصل فيه حدود، و الحدود دي لازم كل الناس مع بعض المبدعين والقانونيين يحطوها، إن شاء الله بكلم رئيس اللجنة بمجلس الشعب الجهة القانونية ونتناقش ونقول نعمل كذا و هكلم النقيب عشان يدعوا أننا نجتمع كلنا ونتكلم عن القوانين دي'.

واختتم قائلا: 'فيه رموز لا تمس عبد الحليم وأم كلثوم وعبد الوهاب وفريد مؤسسة كاملة، دول يتسابو دول الماضي بتاعنا والجذور اللي نمينا عليها، لا يمسوا ولا نخليهن يغنوا ولا يرقصوا'.

حمل آبلكيشن FilFan ... و(عيش وسط النجوم)