جنات: كنت عايزة أتجوز كاظم الساهر وحققت حلمي لما غنيت معاه

كشفت الفنانة جنات عن أنها كانت تحب الفنان كاظم الساهر، في مراهقتها، وترغب في الزواج منه عندما تكبر.

أشارت خلال حلولها ضيفة على برنامج 'معكم منى الشاذلي'، مساء الجمعة، المذاع عبر شاشة 'ON' مع الإعلامية منى الشاذلي، إلى أنها شاركته الغناء في أغنية لعيد الأم لكنها لم تحقق نجاحا كافيا، مضيفة: 'حلمي أتحقق، قولتله ابعتلي الأغنية وهغنيها فورا، لأني كنت طول عمري بحلم أغني مع كاظم الساهر، بحبه'.

تابعت: 'حبيته من أول نظرة، ومقولتلوش أنه كان فتى أحلامي اتكسفت.. هو دلوقتي صديق وأخ عزيز، وجدع جدا لما تحتاجيه تلاقيه، أخلاق وفن وكل حاجة'.

في سياق آخر، أوضحت أن شخصيتها طرأت عليها بعض التغيرات بعد خبرة السنين، مشيرة إلى أنها حاليا تستغرب بعض مواقفها في بدايتها الفنية، مضيفة: 'لما بفتكر حاجات بقول إزاي كنت صعبة وحادة كده، كنت بواجه وردودي جافة'.

لفتت إلى أنها حاليا تحاول الحدث عن الأمور بشكل ألطف، لأنها سابقا كانت تقول رأيها بشكل مباشر وصادم، مضيفة: 'مع الوقت الواحد حس أنه غلط، في حاجات في شخصيتي بحسها اتغيرت للأحسن، إني أبقى لطيفة مع الناس وأريحهم على قد ما أقدر مش غلط'، متابعة: 'بقيت هادية ومبتعصبش خالص، ومبقتش بقاوح'.