صبا مبارك: اعتزلت التمثيل سنتين ومأعلنتش الخبر

كشفت الفنانة صبا مبارك أنها مرت بفترة صعبة قررت فيها الاعتزال.

وقالت صبا مبارك خلال لقائها في برنامج 'أسرار النجوم' مع إنجي علي: 'أكتر لحظة قاسية مريت بيها في لحظة معينة حسيت إني مش تمام ومش عايزة أمثل وحسيت إن أنا أوقف تمثيل بس أنا مش بعلن وأخدت القرار وكملت فيه سنتين وبعدين رجعت'.

وتابعت صبا مبارك: 'أكتر حاجة بتحبها هي أكتر حاجة بتزعل منها لما بتحس إنك اتخذلت وأنا طول الوقت بفكر إني بإذن الله اليوم اللي هوقف فيه التمثيل لازم أكون عاملة حاجة كويسة وأوقف مش عايزة أبقى بهبل في الآخر أمشي وأنا كبيرة'.

وأضافت صبا مبارك: 'الشغلانة فيها حسابات كتير غير التمثيل في شغلانة جنب الشغلانة لو مبتعرفش عملها مش هتعرف تشتغل صح دا مش دايما طبعا بس هي لعبة لو مبتعرفش تلعبها بطريقة معينة ساعات بتتظلم'.

يذكر أن صبا مبارك يعرض لها مسلسل 'ورد على فل وياسمين'.

مسلسل 'ورد على فل وياسمين' بطولة صبا مبارك، أحمد عبد الوهاب، فدوى عابد، هديل حسن، سلوى محمد علي، ميمي جمال، وإسماعيل فرغلي، وهو من إخراج محمود عبدالتواب، وتأليف عمرو سمير عاطف ووائل حمدي.