أحمد فهيم يكشف عن تعرضه لإصابه في "سيد الناس" بسبب عمرو سعد

كشف الفنان أحمد فهيم عن تعرضه لإصابة خلال تصوير مشهد المشاجرة بينه وبين الفنان عمرو سعد في مسلسل 'سيد الناس'.

وحكى أحمد فهيم خلال لقائه في برنامج 'القاهرة اليوم' مع إدوارد ونانسي مجدي: 'كنا بنعمل مشهد أستاذ عمرو سعد 'الجارحي' بيضرب 'مجدي' و'عفيفي'، المفروض بيضربني الأول 3 'بونيات' في واحدة منهم أخدتها بجد ولما اتضرب قلت أكمل عشان المشهد وزقني ووقعت على الأرض وراح يضرب 'عفيفي''.

وتابع أحمد فهيم: 'حطيت إيدي على راسي حسيت إني حاطط إيدي على كرة تنس في دماغي، فضلت ساكت لحد ما المشهد يخلص لأنه كان صعب ومش عايز أعيد تاني، لحد ما أستاذ محمد سامي خلص التصوير قلت لهم إني اتخطبت'.

وأكمل أحمد فهيم: 'جم شافوا كرة التنس اللي في دماغي وأنا شايف ردود الأفعال من الأساتذة الزملاء ومش فاهم في إيه، قعدت على كرسي ومكنتش فاهم هنكمل ولا مش هنكمل وكنت دايخ، حطوا تلج ونزلت شوية والدنيا هديت وقدرت أكمل تصوير المشهد'.

وأضاف أحمد فهيم: 'في مشهد خناق تاني بين 'مجدي' والجارحي' قعدنا نصور من 8 بالليل لـ4 الصبح وكنت مركب حاجات في رجلي لحمايتها ومع المجهود البدني اللي حصل عشان مكنش في دوبلير ليا أنا وعمرو سعد اكتشفت أن جالي جلطة في رجلي، أخدت حقن سيولة والدكتور طلب مني مقفش على رجلي كتير لكن مكنش ينفع عشان التصوير'.

قصة مسلسل 'سيد الناس'

عندما يموت زعيم عائلة أبو العباس، يوصي لابنه جارحي بالعائلة وميراث العائلة. هذا الإرث ليس مالاً ولا جاها بل مصائب يومية لايتخيلها عقل من الأعمال غير المشروعة في الذهب والألماس والمخدرات والفساد.

span Class=NewsSubTitleText>أبطال مسلسل 'سيد الناس'

مسلسل 'سيد الناس' بطولة عمرو سعد، خالد الصاوي، الهام شاهين، منه فضالي، أحمد فهيم، رنا رئيس، نشوى مصطفى، عماد زيادة وآخرين، تأليف وإخراج محمد سامي.