محمد أسامة يطرح أحدث أغانيه "فلفل وشطة"

طرح المطرب محمد أسامة، الذي أشتهر بأغنية 'الغزالة رايقة'، أحدث كليباته الغنائية بعنوان 'فلفل وشطة'.

وأغنية 'فلفل وشطة' من كلمات حسام سعيد، ألحان محمد شحاتة، توزيع موسيقي وسام عبد المنعم، والكليب من إخراج هنا حافظ.

وتقول كلمات أغنية 'فلفل وشطة'

وَسعوا وَسعوا .. ده حبيبي معَدّي إسمعوا

مهما تلوّنوا وِشكو .. أو تلبسوا غالي وتتشَيّكوا .. برضو حبيبي معديكو كلكو

ده قمر م السما .. ده الأستَذه والمَعلمه

تيجوا ايه انتو ف ضحكتُه .. أو شَكلُه وتقاطيعُه ومَشيّتُه .. ده ماحدش ف جماله ورِقتُه

..

غَطى غَطى .. ع الكل غَطى .. فلفل وشَطه .. ولعها نار

عَدى عَدى .. بيشِد شَده .. ياما جاب و وَدَى .. مساكين كُتار

خُدوا جمب إركنوا .. أصل حبيبي انا مُدمنُه

لا بشوف غيرُه ف دُنيتي .. ومهما بقابل انا ف سِكتى .. ولا أبُص لغيرُه ده على جُثتي

عيني بتعشقُه .. ومشاعري انا بيه إتعلقوا

كل الناس جمبه إختفوا .. وقلبي وروحي انا بيه إكتفوا .. ده عيونه بيسحروا وبيخطفوا