هجوم على ياسمين رئيس بعد غنائها مع حسن شاكوش

ياسمين رئيس وحسن شاكوش

هاجم المنتج وليد منصور، عبر حسابه على موقع التواصل الاجتماعي 'فيسبوك'، الفنانة ياسمين رئيس، على خلفية مشاركتها مطرب المهرجان حسن شاكوش أغنية «حبيبتي»، والتي طُرحت قبل أيام عبر موقع يوتيوب،

وكتب وليد منصور قائلا: 'الفنانة ياسمين رئيس، ليه بس كده؟، إنت نجحتي في المسلسل وبقالك فترة مركزة في عمل بتعمليه ليه، بلا داعي تعملي كده ليه؟'.

وأضاف: 'الممثلين عاوزين يركبوا تريند وخلاص، صح أو غلط، بجد نفسي الممثل يركز فقط في تمثيل يغني لو الدراما عاوزة كده مش عمال على بطال، كله عاوز يغني مهرجانات وأي حاجة، يا نجوم مش كده والله'.

وتابع: 'المطرب مطرب، والممثل ممثل، علشان إحنا في مصر محدش نجح قوي في الاثنين مع بعض نفس النجاح غير عبدالحليم وتامر حسني أنجم من غنى ومثل مع بعض، وطبعًا في نجوم تانية كتير بس مش نفس درجة النجاح دي، أتمنى ياسمين تحاول توقف الأغنية، أو تشوف حل علشان كل الناس زعلت قوي، خاصة مش دويتو مع عمرو أو تامر أو حماقي أو منير كنا قولنا نشوف، ده مهرجان شعبي يا ياسمين'.

وحقق فيديو كليب حبيبتي الذي جمع بين حسن شاكوش والفنانة ياسمين رئيس ما يقرب من 5 ملايين مشاهدة، من كلمات محمد غباشي، ومصطفى الجن، وتوزيع إسلام ساسو، وألحان حسن شاكوش.