مي عمر: اتظلمت كتير بسبب جوزي.. ولم أندم على أى عمل رفضته

أكدت الفنانة مي عمر، تعرضها للكثير من الظلم منذ بداية مسيرتها الفنية.

وأضافت: 'اتظلمت كتير وكنت بحس بالظلم زمان لما كان يتقال عليا أني في التمثيل بسبب جوزي المخرج محمد سامي ولكن بعد فترة بقيت أفكر بعقلانية وجوزي قدمني'.

وذكرت مي عمر، خلال حوارها ببرنامج 'حبر سري'، مع الاعلامية أسما إبراهيم، على قناة القاهرة والناس: 'جوزي قدمني ولكن بعد أعمال كتير عملتها مينفعش يتقال جوزي ومفيش حد بيفرض حد على الناس، وفي ناس كتير بيتعمل لها كل حاجة ومش بتنجح'.

وتابعت: 'أكيد دعم جوزي ليا كان أسهل كتير من أني ابدأ لوحدي ولكن بعمل شغل وفي الآخر استقبال الجمهور هو الفيصل'.

أعلنت عدم ندمها على أي عمل رفضته من قبل، قائلة: 'في كل قراراتي بحس أن القرار كان الأحسن ليا وأنا بخاف من الفشل عشان أنا مترددة لكن مش خوافة'.

حمل آبلكيشن FilFan ... و(عيش وسط النجوم)