إيناس الدغيدي ترد على منتقدي إطلاق اسمها على شارع بالجونة: علاقتي بآل ساويرس كويسة جدًا

كشفت المخرجة إيناس الدغيدي كواليس إطلاق اسمها على شارع في مدينة الجونة.

وقالت 'الدغيدي' في لقائها مع الإعلامية أسما إبراهيم في برنامج 'حبر سري' إن من قام بهذا الأمر هو رجل الأعمال سميح ساويرس.

وأضافت: 'إحنا اتعودنا إن أسماء الشوارع تكون لقادة أو كتاب كبار، أشخاص مؤثرة في المجتمع، وأول طوبة تتحط في الجونة كنت متواجدة وقتها، وعلاقتي بآل ساويرس كويسة جدًا، وعلى طول متواجدة معاهم'.

وتابعت إيناس الدغيدي: 'سميح بيقدر دور المرأة في المجتمع، وكان مسمي شوارع باسم دينا ولبنى.. وإحنا قاعدين ذات مرة واحد صاحبه قال له (ما تسمي شارع باسم إيناس الدغيدي، فهي سيدة ولها دور في المجتمع)'.

وأوضحت: 'سميح ساويرس رفع السماعة وكلم مدير الموقع وقالله عندك شارع إيه فاضي؟ فقال له على الشارع، فسميح بلغه إنه يسميه شارع إيناس الدغيدي، والشارع ده موقعه مميز جدًا هناك'.

واختتمت الدغيدي: 'الناس بتنتقد ده ليه؟ لأن فيه ناس عايزة يبقى فيه شوارع باسمها، وفترة أيام حكم الإخوان حصل مشاكل لسميح ساويرس بسبب وضع اسمي على الشارع'.