لقاء الخميسي تهاجم سيدة نشرت صورة لفتيات غير محجبات ووجهت لهن الانتقادات

هاجمت الفنانة المصرية لقاء الخميسي سيدة انتقدت غير المحجبات بعد أن قامت بنشر صورة لعدد من السيدات غير المحجبات على حسابها الشخصي على فيسبوك.

وعلقت السيدة على صورة الفتيات بالقول:'لو عيل من عيالي فكر يقولي هتجوز واحدة بشعرها أو مطلقة أو مدخنة هامسح بيه الأرض. كفاية الستات والأمهات اللي بشوفهم يوميا زي الصورة دي وبتخض على مستقبل بناتهم اللي أكيد هيقلدوهم. معرفش ليه بتكرهوا الحجاب كده؟'.

وأعادت لقاء الخميسي نشر 'بوست' المرأة، وعلقت عليه قائلة:'يا أستاذة هالة.. يومك جميل إن شاء الله.. للأسف الشديد أنا سمحت لنفسي أخد البوست بتاع حضرتك من غير استئذان ودا مش صح بس عشان أقول لحضرتك كلمتين ياريت تقريهم كويس'.

وأضافت الخميسي: 'مش من حقك حضرتك تاخدي صور ناس وتحطيها عند حضرتك وتذميهم وتدخلي في اختياراتهم لحياتهم، ومش من حقك أصلا تختاري ولادك لأن ليهم الحق في الاختيار، ومش من حقك تحكمي على أخلاق الناس وحياتهم لأنك مش واصي ولا ولي، فياريت حضرتك تخليكي في نفسك وتطوري من نفسك وتغضي البصر لو مش عاجبك الصور'.

ووجهت الفنانة، رسالة شديدة اللهجة لها قائلة، 'دعي الخلق للخالق، كل حي أدرى بحياته واختياراته وعليكِ احترامه والتزام الصمت شكرا ويوم سعيد'.

وكانت الفنانة المصرية، لقاء الخميسي، قد استشاطت غضبًا بعد تعرضها للتنمر من متابعين عبر صفحاتها على مواقع التواصل، ووجهت رسالة طالبتهم فيها بالتوقف عن هذه التعليقات السلبية.

وكتبت الخميسي، في منشور لها عبر 'فيسبوك': 'أنا لقاء الخميسي، كل لحظة وأصدقائي وإخواتي بخير وسلام.. الصفحة دي للتواصل والمحبة لأصدقائي اللي بيحبوني وأنا بحبهم، للتواصل الإيجابي فقط'.

وأضافت: 'أي متنمر أو حاقد أو حاسد مكانه ليس هنا، الدنيا صعبة علينا كلنا ومحتاجين كلنا محبة ودفا لكي نعرف نكمل رحلتنا، ابعدوا عنا بطاقتكم السلبية وفروها لأنفسكم، للأسف واللي أعتقد إن كتير من المتنمرين لا يعرفونه، أنكم مش عارفين تحبوا أنفسكم وترضوا علشان كدا سوادكم بيطلع على الآخرين”.

واختتمت: 'الدنيا مش مستحملة ضغوط، عالج نفسك وحب نفسك تحب الناس.. شكرًا مرة تانية لكل حبايبي وأصدقائي وإخواتي من الداعمين والمحبين.. بحبكم كل الحب”.

وعقب هذا المنشور، تلقت لقاء الكثير من تعليقات الجمهور الغاضبة، إلا أنها عادت للرد عليهم وتوضيح سبب هذا المنشور، قائلة في تعليق لها: 'الكلام موجه لأصحاب النفوس المريضة اللي قاموا بالتعليق ع البوست السابق واضطريت آسفة إني أمسحه.. كل الحب والاحترام لأصدقائي المحترمين اللي في الصفحة'.