لايف ستايل
موقع كل يوم -في فن
نشر بتاريخ: ٢ حزيران ٢٠٢٣
قدمت الإعلامية ياسمين عز أولى حلقات الموسم الجديد من برنامجها 'كلام الناس' عبر قناة MBC مصر، ووجهت خلال الحلقة عدة نصائح للزوجات لحل مشكلة الخلاف على تشغيل مكيفات الهواء مع بداية فصل الصيف.
وقالت ياسمين عز: 'الخناقة على ريموت التكيف خناقة شهيرة بتتكرر كل سنة، الصيف يبدأ من هنا وتلاقي الراجل ومراته اتحولوا توم وجيري في البيت، مين عايز ينام في التكيف ومين مش عايز'.
وأضافت: 'لو جوزك عايز ينام في التكيف، وإنت بتحبي تنامي في الحر، الإجابة ببساطة تسيبي الأوضة للفرعون علشان ينعم بالفريون، وتطلعي تنامي في حضن عيالك، أو نامي على الكنبة'.
وتابعت: 'لو إنت ست بتحبي الأجواء القطبية الشمالية القارصة، وعايزة تنامي في التكيف على درجة 16، والراجل الغلبان بردان وعايز يقفل التكيف، الإجابة ببساطة دوسي على الزر اللي بيطفي التكيف، مش معقولة النوم ما يحلاش غير في درجة حرارة 16، هو مش نايم جنب دب قطبي يا مدام، وإنت مش بطريق'.
تحدثت ياسمين عز خلال الحلقة عن وقوعها ضحية لبرنامج 'رامز نيفر إند' في رمضان الماضي قائلة: 'طبعا كلكم شوفتوني في رمضان مع رامز جلال، هذا الفرعون الملعون المنشق عن القبيلة، وكانت حلقة للتاريخ، واتفرجت معاكم وشوفت نفسي وأنا داخلة، أنا مش معقولة كاريزما طاغية'.
وأضافت: 'أنا إترش في وشي طفاية حريق وفضل وشي بدر بيلمع من البريق سبحانك يا ربي، وأنا لو أطول كنت روحت البرنامج بتاج علشان أنا برنسيس، وأنا برينسيس علشان بحترم الرجل الفرعون الصغير الكبير'.
وردا على سؤال هل كانت تعرف بالمقلب، قالت: 'أنا مش هحلف، أي برنامج يكلمني أروح ضيفة بارفض وأعتذر بكل أدب واحترام، ولو كنت عارفة وده مش حقيقي مكانوش كلموني من مصر ولبنان يتفاوضوا معايا، ولو أعرف مكنتش روحت'.
حمل آبلكيشن FilFan ... و(عيش وسط النجوم)