منة شلبي عن شائعات زواجها: معرفش خيال مين المريض

كشفت الفنانة منة شلبي سبب خروجها ونفيها أخبار زواجها رغم أنها لا تهتم بالشائعات التي تكتب عنها.

وقالت منة شلبي في لقاء ببرنامج 'لانا والنجوم': 'لقيت مكتوب زواج أسطوري واتجوزت في السر أنا مبهتمش بأي حاجة بتتقال، لحد ما لقيت أبويا بيقولي إيه دا، دي الحاجة اللي خلتني أرد، إزاي اتقال كده أنا معرفش خيال مين المريض اللي قال'.

وكشفت منة شلبي عن الأمنية التي تطلبها إذا التقت بمارد قائلة: 'لو قابلت المارد هطلب منه أنه يوقف الحرب ولو في طلب تاني يبقى أني أعثر على شريك حياة مخة نضيف ومحترم'.

وتحدثت منة شلبي عن فكرة إجراء عمليات تجميلية وقالت: 'الممثلات لازم يحافظوا على أن شكلهم يبقى أصغر دا حقيقي، الممثل أو الممثلة لازم يحافظ على أن شكله كويس وأصغر من سنة دا في العالم كله لأن شغله قايم جزء كبير بعد موهبته على شكله وصحته، كونك تبان أصغر من سنك الحقيقي يخليك تعمل أدوار أكتر، لكن اللي بنختلف فيه قد إيه أنا أحس روحي عندي كام سنة وأنا عارفة أنا عندي كام سنة، في وعي إني مش هقدر أعمل حاجة بتعملها بنت عندها 16 سنة بس أنا جوايا طفلة تقدر تتنطط زي بنت عندها 16 سنة، أنت تقدري تشوفي إيه ينفع تعمليه'.

وتابعت منة شلبي: 'السخيف أن تعملي حاجات في وشك وجسمك والناس بعد ما حبتك متبقاش عارفاكي، مينفعش بعد ما الناس تديكي حب انتي فجأة تغيري شكلك'.

على جانب آخر، أعلن المخرج طارق العريان أنه بصدد بدأ التحضير للجزء الثاني من فيلمه الشهير 'السلم والثعبان' بأبطال جدد.

قال طارق العريان: 'سأبدأ خلال شهر التحضير للجزء الثاني من فيلم (السلم والثعبان)، قصة جديدة لـ(أحمد وملك)، عمرو يوسف ومنة شلبي'، وذلك خلال تصريحاته لموقع 'بصراحة' اللبناني.