زينة تتحدث عن شقيقها الراحل باكية: سكينة دخلت في قلبي ومخرجتش

لم تتمالك الفنانة زينة دموعها خلال حديثها عن شقيقها الراحل.

وبكت زينة خلال لقائها في بودكاست 'قصتي' مع محمد قيس وهي تحكي عما تشعر به بعد وفاة شقيقها وقالت: 'أنا مش عارفة أتكلم حاسة أن في سكينة دخلت في قلبي واتسابت مخرجتش موجودة وبتوجع أوي، كنت فاكرة أن العادي إخواتي موجودين وخصوصا أن هو كان أطيب واحد فينا، إحنا إخوات مترابطين أوي وفجأة كده اتخطف مننا، العادي الواحد بيتوقع أن الكبير وأنا الأكبر مش الصغير اللي بيروح أنا قعدت كتير مش مصدقة بس دا واقع خلاص مفيش حاجة في إيدي أعملها غير إني أقول الحمد لله وهو سبقنا بس برضو تعبانة'.

وتابعت زينة: 'المرة دي الضربة كانت جامدة بكل اللي شفته في حياتي حاسة إني كنت في هزار مفيش حاجة وجعت زي اللي حصل'.

وأكملت زينة متحدثة عن علاقتها بشقيقها: 'أنا بابا اتوفى وإحنا صغيرين أخويا كان عنده 14 سنة فكان ابني مش بس أخويا، وحاسه إني حبيته أكتر بعد ما راح، أنا راضية الحمد لله مفيش في إيدي حاجة، الناس بتفضل تقول إنتي قوية وإنتي الكبيرة أنا مش بحب الكلام دا أنا مش في خناقة دا فقد دا حتة مني، أنا فاكرة ماما كانت بتروح الشغل وأنا اللي كنت بقعد معاه وهو 'بيبي'.

واختتمت زينة حديثها: 'كنت زمان لما بشوف حد أخوه أو أخته مش موجودين كنت بقول هو عايش إزاي، فهمت دلوقتي هو عايش إزاي يارب محدش يشوف اللي أنا شفته'.