أمير كرارة يرد على محمد نجاتي: ربنا يكرمك ويرزقك

رد الفنان المصري أمير كرارة على تصريحات مواطنه محمد نجاتي، التي علّق فيها على المقارنة بين ما حققاه من إنجاز فني، وعلى أثرها هدد باعتزال التمثيل، في فيديو بثه الأخير عبر حسابه في إنستغرام.

وأعاد أمير كرارة نشر فيديو 'نجاتي' عبر حسابه في موقع فيسبوك، وعلّق عليها بالقول 'يا حبيبي أنت نجم كبير وعلي دماغنا كلنا ربنا يكرمك ويزيدك ويرزقك ويجمعنا مع بعض فعمل واحد وشرف ليا'.

وكان نجاتي قد ظهر في مقطع فيديو، قاله فيه 'طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، وقدر أنه يوصل لحب الناس وقاعدة كبيرة من الجمهور، كل اللي عاوز أقوله أني ما كانش ليا دخل في ترشيحي لمسلسل محمود المصري، مع محمود عبدالعزيز، ترشيحي جاء من خلال مدحت العدل وهو حي يرزق يسأل'.

وأضاف: 'أما البوست اللي كتبه أحد الأساتذه، اللي اتقال فيه شوف كرارة فين دلوقتي ومحمد نجاتي دلوقتي فين دي حاجة مش بإيدي وخارجة عن إرادتي أنا بمثل وبشتغل الحاجات اللي بلاقيها كويسة ومناسبة ممكن تكون مش بتاخد بروباجاندا كبيرة زي اللي بيقدمها بعض الفنان، ولكني أتمنى أشارك فيها كلها، ولكني مضطر اشتغل حاجات كتير علشان أكمل بقيت حياتي لأن عندي التزامات كتير'.

وتابع: 'أنا مش مبسوط بالحاجات اللي بقدمها وأحيانا بضطر اشتغل حاجات مش راضي عنها علشان أقدر أكمل حياتي والتزماتي، وإذا كان وضعي كدا مضايق ناس ممكن اعتزل واريحكم كلكم مني وتبقى نهاية الحكاية'.

وعلّق العديد من متابعي نجاتي على الفيديو، معبرين عن تضامنهم وتعاطفهم معه، 'ومن ضمنهم الفنانة دنيا المصري التي علّقت بالقول 'انت ممثل مفيش زيك يا محمد انا اشهد انك انسان محترم يا عشرة عمري ‏ربنا يكرمك يا اجدع خلق الله'.

وشارك محمد نجاتي في العديد من المسلسلات مثل مسلسل 'حلم العمر كله' ولكنه اشتهر في مسلسل 'حديث الصباح والمساء' للكاتب نجيب محفوظ، وتألق في المسلسل بدور محمود باشا وشارك بعدها في العديد من الأفلام السينمائية مع كبار النجوم.