ملك زاهر تكشف سبب أزمتها الصحية ودخولها المستشفى

كشفت الفنانة ملك أحمد زاهر عن تعرضها لأزمة صحية مفاجئة أدت إلى دخولها المستشفى، إذ شاركت جمهورها تفاصيل ما تمر به من خلال خاصية 'الستوري' على حسابها بموقع 'إنستغرام'، مؤكدة أنها تمر بظروف صحية ونفسية صعبة في الوقت الحالي، لكنها متفائلة بتجاوز الأزمة.

'عمري ما نزلت حاجة غير الإيجابي'... ملك تكشف معاناتها

قالت ملك زاهر إنها اعتادت نشر المحتوى الإيجابي فقط عبر حساباتها على مواقع التواصل الاجتماعي، سواء كان لحظات مرحة أو مواقف طريفة، مضيفة: عمري ما كنت بنزل غير الحاجات اللذيذة أو الهزار أو أي حاجة إيجابية. ولما كنت بحب أنزل حاجة سلبية، كنت باخدها بهزار وأنزلها في close friends.

هجوم وانتقادات بسبب السعادة

أوضحت الفنانة أنها في الآونة الأخيرة تلقت الكثير من التعليقات السلبية التي تقلل من شأن لحظات سعادتها، قائلة: الفترة الأخيرة بيجيلي كومنتس كلها: إنتِ عايشة ومبسوطة وإحنا مش، وإيه كل اللي إنتوا فيه؟ الناس بقت تبص لأتفه الحاجات اللي بتبسطني، زي إن أروح الجيم أو أخرج مع صحابي أو ألبس حلو في أي إفنت.

تفاصيل الأزمة الصحية المفاجئة

كشفت ملك عن تدهور حالتها الصحية بشكل مفاجئ، قائلة: بقالي 3 أيام تعبانة، وعندي حاجة مش فاهمين سببها لحد دلوقتي، وجتلي فجأة وفي حوالي نص ساعة كنت قبلها زي الفل. من وقتها مش قادرة أنزل أو حد يشوفني، ونفسيتي وحشة جدًا.

الحياة ليست مثالية.. ملك زاهر توجه رسالة صريحة للجمهور

وجهت الفنانة رسالة صادقة لجمهورها، موضحة أن حياتها مثل أي إنسان فيها الجيد والسيئ، لكنها كانت تختار مشاركة الإيجابي فقط، وقالت: بحب أشارك الحلو بس، وده غالبًا غلط، فقررت أشارك الوحش كمان. واللي بيحصلي دلوقتي أنا بحمد ربنا عليه وعارفة إنه بإذن الله حاجة بسيطة، وإن شاء الله هخف.

رسالة توعية وتحذير من خداع السوشيال ميديا

اختتمت ملك زاهر رسائلها بتوضيح نيتها من نشر ما تمر به، قائلة: كل اللي طالبه إنكم ما تحكموش على حد من السوشيال ميديا، لأنها بتوري بس يمكن 20% من حياته. وادعولي أشفى بسرعة. والهدف مش إن حد يقلق، أنا كويسة والحمد لله، وحبيت أشارك الوحش زي ما بشارك الحلو.

آخر أعمالها الفنية

يُذكر أن آخر ظهور فني لملك زاهر كان في مسلسل 'سيد الناس' الذي عُرض في موسم دراما رمضان الماضي، وشارك في بطولته عمرو سعد، ريم مصطفى، أحمد زاهر، أحمد رزق، إلهام شاهين، إنجي المقدم، وغيرهم. المسلسل من تأليف خالد صلاح وإخراج محمد سامي.