لايف ستايل
موقع كل يوم -في فن
نشر بتاريخ: ١٠ شباط ٢٠٢٥
كشفت الفنانة مي الغيطي عن تعرضها لحادث كبير قبل أشهر وهو ما تسبب في اختفائها لفترة طويلة.
وحكت مي الغيطي ما حدث لها خلال رحلتها في تايلاند.
ونشرت مي الغيطي عبر حسابها على Instagram فيديو وكتبت تعليقا عليه: 'في ناس كثيرة بتسألني أنا كنت مختفيه ليه، من 7 شهور كنت في حادثة حصلت في تايلاند، اتخبطت بعربية نقل في العربية اللي كنت فيها، واتصبت إصابات بالغة. حصلي كسر في حوضي، وإصابة في العمود الفقري، وكان عندي إصابات داخلية ونزيف داخلي وتلف في الأعصاب في رجلي. قعدت في المستشفى أسابيع في تايلاند ورجعت مصر علشان أكون مع أهلي وأتعالج وسط دعمهم'.
وتابعت مي الغيطي: 'مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط، بعد علاج طبيعي فترة وكل شوية نكتشف حاجة جديدة أنا دلوقتي أحسن بكتير جدا الحمدلله وأي حاجة محدش كان متخيلها بعد فترة نسبيا قليلة'.
وأكملت مي الغيطي: 'حاسة إني كنت عايزة أشارك ده دلوقتي عشان أقول أن الجسم عنده قدرة رهيبة على الشفاء.. أقوى بكتير مما نتخيل وأنالتعافي بياخد وقت، بس بييجي. لو إنت بتمر بوقت صعب، أرجوك كون صبور مع نفسك عشان عدم فقدانك إيمانك انك هتكون أحسن بجد بيفرق في قدرتنا على تحمل الصعاب'.
يذكر أن مي الغيطي شاركت في رمضان 2024 بمسلسل 'مسار إجباري'.
مسلسل 'مسار إجباري' من بطولة أحمد داش، ويضم عدد كبير من الفنانين، ومن أبرزهم: عصام عمر، صابرين، بسمة، ياسمينا العبد، مي الغيطي، رشدي الشامي وعدد آخر من الفنانين، وسيناريو وحوار أمين جمال، محمد محرز، مينا بباوي ومن إخراج نادين خان.
