ريهام حجاج بالفيديو: الحرب مع ياسمين عبد العزيز من اختراع السوشيال ميديا

نفت النجمة ريهام حجاج وجود أي معركة بينها وبين النجمة ياسمين عبد العزيز الزوجة السابقة لزوجها رجل الأعمال محمد حلاوة، مؤكدة أن القصة كلها من اختراع السوشيال ميديا، لأن كل واحدة منهن تزوجت من رجل تحبه وتعيش حياة مستقرة.

وأكدت ريهام خلال لقائها في حلقة خاصة مع الإعلامية بوسي شلبي على شاشة النهار: إنها تزوجت من محمد حلاوة بعد انفصاله عن ياسمين عبد العزيز بعام كامل، ولم يكن ممكنا عودتهما للحياة الزوجية مرة أخرى.

وأشارت إلى أن الجدل حول زواجها من محمد حلاوة سببه عدم إعلان انفصاله عن ياسمين عبد العزيز في موعده، وقالت: يمكن الجدل عشان محمد ارتبط بشخصيتين مشهورتين.. محمد شخص ناجح ومعروف، أنا وهو اتجوزنا بعد سنة من طلاقه، والطلاق ده مكنش معلن، والطرف التاني الآخر طلع قال تفاصيل الزواج في برامج أخرى.. كل واحد حر حتى لو الطرف التاني ما أعلنش طلاقه ودي حياة شخصية مش معنى أن اتنين اتطلقوا يبقى حد فيهم وحش أو كان في مشكلة”.

وواصلت قائلة: ممكن جدًا الاتنين ينفصلوا لأسباب خاصة بينهم، الناس مش المفروض تحكم أو تتكلم في حاجة شخصية زي دي، إحنا بنعاني من ده عشان إحنا مشاهير”.

أضافت: الجمهور المحترم مابيتدخلش في الحياة الخاصة للفنانين الناس اللي بتنتقد وبتكتب على السوشيال ميديا ده مش الجمهور، بقى عندنا اختلاط في الجمهور بين رأيي والتطفل لما حد بيبدي برأيه في حاجة لا تعنيه، الحقيقة مافيش أي حرب وكل الأطراف اتجوزت ومحدش شايف الحرب دي غير جمهور السوشيال ميديا، محبتش أطلع أرد وقتها لأن هي مش حاجة غلط أو حاجة مخلة بالآداب.

واعترفت ريهام بتعرضها للابتزاز الالكتروني من بعض الحسابات التي تشن هجوما عليها، وقالت أنها تلقت عرضا بدفع أموال مقابل وقف هذه الحملات، ولكنها رفضت لأنها لم تفعل ما يدينها، وتزوجت على سنة الله ورسوله.

واختتمت الفنانة ريهام حجاج حديثها الأول عن كواليس زواجها بتأكيد أنها دائمًا تتجاهل الانتقادات التي توجه على مواقع التواصل الاجتماعي، مشيرة إلى أنها تظهر فقط للتحدث عن نجاحاتها وأعمالها وقالت: مبعرفش أطلع في برنامج مخصوص أقول تفاصيل حياتي الشخصية بتكلم عن أعمالي فقط.