هنا الزاهد توجه رسالة لـ أحمد فهمي قبل عرض "مستر إكس" ويرد عليها: إنتي إضافة قوية لأي عمل

وجهت الفنانة هنا الزاهد رسالة إلى زوجها أحمد فهمي عبرت فيها عن سعادتها بمشاركتها في بطولة فيلم 'مستر إكس' متمنية أن يحقق نجاحا كبيرا.

وعبر خاصية القصص القصيرة في حسابها على Instagram نشرت هنا الزاهد صورتها مع أحمد فهمي وكتبت لتحكي عن رحلته مع فيلم 'مستر إكس'.

وقالت هنا الزاهد: 'أنا شهادتي مجروحة بس عايزة أقول أحمد اشتغل على الفيلم دا أكتر من سنة وتعب جدا كتابة من قبل ما أكون حتى في الفيلم، وكان دايما بيحكيلي عن تفاصيل الفيلم وهو متحمس وهو كان لسه فكرة مكتوبة على ورقة، ربنا هيعوض تعبك ومجهودك وربنا يكرمنا على قد تعبنا فيه'.

وتابعت هنا الزاهد: 'اشتغلنا قبل كده مع بعض الواد سيد الشحات وربنا كرمنا فيه ويارب يكرمنا في الفيلم ده كمان، أول فيلم مع بعض متحمسة جدا الناس تشوفوا'.

ورد أحمد فهمي على كلام هنا الزاهد وقال لها: 'أنا اللي مبسوط جدا إني اشتغلت معاكي يا حبيبتي وإن شاء الله نكسر الدنيا زي كل الحاجات اللي اشتغلناها سوا وإنتي دايما إضافة قوية وكبيرة لأي عمل'.

تدور قصة وأحداث فيلم 'مستر إكس' في إطار من الكوميديا الإجتماعية حول فكرة الـx السابق أو الحبيب السابق لكل شخص والذي يتمثل في الفنان أحمد فهمي وتحدث بينه وبين أبطال العمل العديد من المفارقات والأحداث الهامة.

فيلم 'مستر إكس' بطولة أحمد فهمى، هنا الزاهد، أوس أوس، بيومي فؤاد، رحاب الجمل، ومحمود حافظ، إضافة إلى ظهور عدد من الفنانين كضيوف شرف منهم أكرم حسنى، ريم مصطفى، مصطفى خاطر، محمد أنور، صبرى فواز، عمرو يوسف، رانيا منصور، وآخرين و العمل قصة أمانى التونسي، وفكرة محمد سويلم وفادى أبو السعود، إخراج أحمد عبد الوهاب، ومن المقرر طرحه في موسم عيد الأضحى.

حمل آبلكيشن FilFan ... و(عيش وسط النجوم)