مدين يكشف عن تواجد شيرين عبد الوهاب في مصر: كان عندها اكتئاب شوية وخلاص هتسمعوا حاجات قريب

تحدث الموزع مدين عن الفنانة شيرين عبد الوهاب وطمئن محبيها عليها.

ورد مدين خلال لقاء مع ET بالعربي على سؤال حول عودة شيرين عبد الوهاب إلى القاهرة قائلا: 'هي موجودة دلوقتي، شيرين كان عندها اكتئاب شوية وخلاص إن شاء الله هتسمعوا حاجات قريب، هي هتبقى تقول أمتى لكن هي شغاله على حاجات جديدة'.

وتابع مدين: 'كنا هنتقابل في عيد ميلادها بس حصلت لخبطة معرفناش نروح لها، كانت فرحانة أننا هنروح اليوم دا، هي دايما على تواصل معانا'.

وطمأن مدين الجمهور على شيرين عبد الوهاب وقال: 'شيرين كويسة وهي على طول بتبقى في حالة كويسة وشغل وبتدخل في حالات اكتئاب شوية بسبب الحياة الشخصية زي ما الناس بتبقى عارفة وبترجع تستعيد قوتها بس إحنا عايزين دايما نشجعها على الشغل بدل الأخبار الشخصية اللي بتجيب الاكتئاب لأي حد'.

وكانت انتشرت أخبار عن تواجد شيرين عبد الوهاب في أحد المستشفيات الكبرى في إحدى الدول الأوروبية للخضوع لرحلة علاج نفسي بسبب الأزمات التي مرت بها مؤخرا.

لو فاتك: هتتصرف ازاي لو لقيت نفسك مسئول عن نادي كبير وانت مالكش فيها؟؟ شوف 'ابن النادي' هيعمل ايه؟