لايف ستايل
موقع كل يوم -مجلة لها
نشر بتاريخ: ١ كانون الأول ٢٠٢٣
نجلاء بدر
كشفت الفنانة نجلاء بدر عن طريقة تعاملها مع المتحرشين في حالة تعرضها للتحرش، مؤكدة أنها إذا تعرضت لهذا الأمر ستقوم بإبلاغ الشرطة، موجهة نصائح للفتيات في حالة تعرضهن للتحرش.
وقالت نجلاء إنها إذا تعرضت للتحرش يومًا ما ستفكر في إبلاغ الشرطة لأن الزمان تغير، معلقة: 'زمان مكنتش ممكن أعمل كده بس دلوقتي ممكن أعملها لأن الزمن اتغير واختلف، إحنا زمان كنا بنخاف والواقعة كانت بالنسبالنا صدمة، وزمان مكنش في تحرش زي دلوقتي'.
وتابعت: 'زمان لو كان حد يتطاول عليكي كانت بتبقى خضة وواقعة كبيرة أوي، والخضة بتخليكي مبتعرفيش تتصرفي النهاردة أنتي تقدري لو حد تطاول عليكي تطلعي تليفونك في ساعتها علشان تصوريه أنتي كده عندك دلائل، وبقى عندك صوت تقدري تقوليه'.
وأضافت نجلاء بدر: 'إحنا كنا زمان بنخاف حتى بتخافي تقولي لأهلك إنك اتعرضتي لكده، فأنا أعتقد إن الزمن اختلف والإثبات بقى أسهل يعني الأول مكنتيش بتعرفي تثبتي دلوقتي لأ، أصل أول حاجة ده اتحرش بيا، ودائماً البنت هي اللي المقهورة وإحنا لسه مجتمع ذكوري، بس أنا شايفة إن دلوقتي بقى في منظمات ومواقف بتدافع عن ده فبقى في وسائل تقدري تعبري فيها عن ده وتخدي بيها حقك'.
يُذكر أن آخر أعمال نجلاء بدر مسلسل 'صوت وصورة'، وحققت من خلاله نجاحًا كبيرًا، حيث تدور أحداثه حول فكرة التحرش ورد فعل المتحرش بها، وهو من بطولة حنان مطاوع ومراد مكرم وصدقي صخر وعمرو وهبة، وغيرهم من النجوم.
