سمية الخشاب: مش بساعد الطلبة عشان التريند وأغنيتي الجديدة هتقلب الدنيا

تحدثت الفنانة سمية الخشاب عن دعمها لطلبة الثانوية العامة خلال الفترة الأخيرة.

وقالت سمية الخشاب في مداخلة هاتفية لبرنامج 'خلاص صحينا' من تقديم مارينا المصري عبر محطة نجوم إف إم: ' لو هيكون لي لقب أحب يكون (بنت البلد)، وبقول لطلبة الثانوية العامة ما تقلقوش وما تخافوش'.

وأضافت: 'الثانوية العامة مش نهاية الدنيا واللى مش هينجح في حاجة أكيد موهوب في حاجة تانية ممكن يلاقي نفسه فيها'.

وتابعت سمية الخشاب: 'أقول للأهالى كونوا فخورين بأولادكم ولازم تقفوا جنبهم وتشجعوهم، و جبت فى ثانوية عامة 96% وأكتر مادة كنت بخاف منها هى الجغرافيا وكنت بحب العربي والفرنساوي جدا، و اتعلمت من مدرس الفرنساوي علمنى الدقة في المواعيد'.

واختتمت قائلة: 'أنا بساعد طلبة الثانوية العامة على السوشيال ميديا بمنتهى الحب مش عشان التريند، لكن عشان حاسة إني هقدر أفيدهم وعندي حاجة قادرة أقدمها، وبحضر لمسلسل قريب وهيكون حاجة مختلفة جدا إن شاء الله، وعندي أغنية جديدة هتقلب الدنيا'.

حمل آبلكيشن FilFan ... و(عيش وسط النجوم)