سمية الخشاب: لازم قانون رادع للراجل لو فكر يتجوز على مراته بدون علمها

تؤيد الفنانة سمية الخشاب فكرة وضع قانون يشترط على الزوج إخطار زوجته في حال قرر الزواج مرة أخرى، مع عقوبة رادعة إذا أخفى عنها قيامه بهذه الخطوة.

وقالت سمية الخشاب، في مداخلة هاتفية مع برنامج 'الستات' الذي تقدمه الإعلاميتان سهير جودة ومفيدة شيحة عبر قناة النهار: 'في كلمة أنا معجبة بيها جدا هي العقد شريعة المتعاقدين، ومؤخرا بقيت مهتمة بالقانون عشان أفهم حقوقي وأعرف واجباتي، لكن ممكن نكتب إيه في العقد بالنسبة للمشاعر؟ حبني غصب عنك!'

‎‎

وأضافت: 'الزوج عمره ما هيقول لمراته إنه متزوج وهيخبي عليها، عشان كده القانون لازم يبقى رادع.'

وتابعت: 'هل الزوج هيكون عاقل وعارف ربنا وضميره صاحي عشان يقول لزوجته مش قادر أكمل معاكي؟ أنا بحب بيتنا وولادنا لكن قلبي راح لواحدة تانية. ماشي مع ألف سلامة يا حبيبي، فين حقوقي وحقوق ولادي؟'

وأكملت: 'بلاش الزوج يلعب ويلف ويدور، هو لما يضايقني ده هينعكس على نفسيتي وعلى ولادي، لما أعيش على ذمته وأنا عارفة إنه مش بيحبني هيأثر على نفسيتي ونفسية الأولاد.'

وانطلقت عصر اليوم أولى حلقات برنامج 'الستات' على قناة النهار، والذي تقدمه الإعلاميتان مفيدة شيحة وسهير جودة، من الأربعاء للجمعة أسبوعيا، وحلت الفنانة سوسن بدر ضيفة على أولى حلقات البرنامج.

لو فاتك- ليه كل الناس بتحب تتابع 'تيك توك' ريا أبي راشد؟ الفيديو ده هيقدم لك الإجابة

حمل آبلكيشن FilFan ... و(عيش وسط النجوم)