درة تتحدث عن تعرضها للإجهاض مرتين: تجربة صعبة أوي

فتحت الفنانة درة قلبها وتحدثت عن فترة صعبة مرت بها بعدما تعرضت للإجهاض.

وقالت درة خلال لقائها في برنامج 'واحدة من الناس': 'أنا متكلمتش في الموضوع في الإعلام الموضوع كان غصب عني أنا كنت أتمنى ونفسي وحصل بشكل طبيعي لكن إرادة ربنا أن ميكملش الحمل كان مؤلم جدا خصوصا أنه أكتر من مرة ودي تجربة بتبقى صعبة أوي للست ومكانتش سهلة بالنسبة ليا'.

وتابعت درة: 'مش بحب اتكلم في الموضوع بشكل كبير لأنها حاجة خاصة، وطبعا أكتر حاجة بتمناها في الحياة هي الأمومة'.

وعن أكثر ما يخيفها في الحياة قالت درة: 'أكتر حاجة بتخوفني المرض والوحدة بيخوفني فكرة الاحتياج لأي حد في أي حاجة إني مقدرش اعتمد على نفسي، أكتر من فكرة الموت'.

على جانب آخر، كشفت درة خلال اللقاء كواليس مشهد ضربها 'بالقلم' للفنان أحمد العوضي، ضمن أحداث مسلسل 'علي كلاي'.

وقالت: 'عايزة أحيي أحمد العوضي في حاجة، إنه يبقى هذا البطل الشعبي اللي بيطلع يضرب ومعروف إنه بيعمل أكشن وبيلعب ملاكمة، وإنه يقبل يعمل مشهد بينضرب فيه بالقلم من واحدة ست ده معناه إنه فنان حقيقي مش عايز يستعرض فقط، وطبعا ده عمل تعاطف مع الشخصية وفادها'.

يذكر أن درة شاركت في موسم رمضان 2026 بمسلسل 'علي كلاي'.

ويشارك فى بطولة مسلسل 'علي كلاي' أحمد العوضي، درة، يارا السكري، محمود البزاوي، انتصار، عصام السقا، محمد ثروت، طارق الدسوقي، سارة بركة، ريم سامي، ضياء عبد الخالق، رحمة محسن، عمر رزيق، وغيرهم من الفنانين.

لو فاتك: بعد توليت ظهر كابوتشي صاحب 'تيجي تيجي' هيعمل مفاجأة مع آخر أغاني الألبوم هنقول لك عليها هنا