إيمان الحصري: أثناء مرضي بدؤوا يمهدوا لبنتي إني مش هبقى موجودة

تحدثت الإعلامية إيمان الحصري عن الدور الذي لعبته أسرتها في تجاوزها أزمتها الصحية، التي استمرت 8 شهور خضعت خلالها للعديد من العمليات الجراحية.

وخلال استضافتها في برنامج 'صاحبة السعادة' الذي تقدمه الفنانة إسعاد يونس عبر قناة dmc، قالت إيمان الحصري: 'إخواتي الاثنين أحمد ومحمد وبنتي عليا كانوا معايا طول الوقت. سابوا حياتهم وبيوتهم وشغلهم وكانوا زي ما بيقولوا تحت رجلي خلال الشهور اللي فاتت كلها. وحتى في الأوقات لما كنت في العناية المركزة وممنوع وجود مرافقين، كانوا بيناموا في العربيات قدام المستشفى.'

وأضافت: 'إحنا ملناش غير بعض، وإحساس إني هسيبهم كان عبء زيادة، وعرفت بعد كده إنهم سمعوا من الدكاترة إني مش هكمل، وابتدوا في الشهر الرابع أو الخامس يمهدوا لبنتي إن أمها مش هتكون موجودة، وإنها بتتعذب وتتألم وممكن دي يكون أفضل لها.'