لايف ستايل
موقع كل يوم -مجلة سيدتي
نشر بتاريخ: ١٧ أذار ٢٠٢٤
خصص الفنان رامز جلال، الحلقة السابعة من برنامج المقالب “رامز جاب من الآخر”، لموعده السنوي المعتاد مع مطربي المهرجانات واختار هذه المرة الثنائي الأكثر شهرة حمو بيكا وكزبرة وعاد رامز جلال للمقدمات الساخرة المليئة بالأوصاف القاسية ومنحهما لقب طفيليات موسيقية.
الحلقة بدأت بمقدمة ساخرة قال فيها رامز جلال: طفيليات موسيقية، وبيتنافسوا على مين صوته أوحش من مين، وعاملين فيها مغنيين».
تابعي المزيد: شاهد مرام علي وباميلا الكيك في رامز جاب من الآخر
أضاف: اتنين افسدو سوق العمل، رحيتهم سبقاهم وصوتهم تلوث سمعى، صراع الزواحف المسجل والمشبوه كزبرة وحمو بيكا
حمو بيكا يكشف تفاصيل تدبيس المعدة
وسأل رامز جلال في مقدمة الحلقة مطرب المهرجانات حمو بيكا:«حقيقي إنك هتعمل عملية تدبيس معدة ؟»، ليرد عليه بيكا:«ليه أعمل ده هو كرش بس»، ليرد رامز:«أنت مينفعش معاك غير بتر معدة».
وأخطأ حمو بيكا، في التعرف على صورة الفنانة شادية والفنانة صباح، حيث علق على صورة شادية بأنها صباح، وعندما عرضت صورة صباح أكد بأنها شادية.
وقال الفنان كزبرة: 'اللى سماني كزبرة صدفة واسمي الحقيقي كاظم'، ليعلق رامز جلال: 'ليه مش بقدونس ولا فول حراتي واسمك الحقيقي كاظم ليه جايلنا من العراق'.
الكلب نيوتن هجم على كزبرة
خلال الفقرة الثانية من مقلب رامز جلال، وهي «السير» الذي يجري عليه كزبرة وبيكا، بعدما تقابل الإثنين، انهار كزبرة بسبب خوفه من كلب رامز جلال، إذ قال: «الكلب عضني يا رامز»، ثم دخل في مشادة كلامية مع حمو بيكا بعد سقوطهما سويا في الغرفة المظلمة ليعلق كزبرة: 'ايه الاشكال اللي انت موقفني جنبها دي'، ليعقب حمو:'إشكال!!'.
ودخل كزبرة وبيكا في مشادة كلامية ثانية كادت تتحول لعراك بالأيدي بسبب تشبث كزبرة في سلاسل حمو بيكا، حتى انقطعت، وانفعل عليه حمو بيكا، ثم انفعل الثنائي على رامز جلال، متوعدين إياه أنهما سوا ينتقمان منه.
وعقب رامز جلال:'انتوا دلوقتي في الأوضة السودة وليلتكم هتبقى سودة، وزي ما بيقولوا عدوك ابن كارك ومحدش كان هيقدر يجمعكم إلا العبد لله، لازم تدوسوا علي احقادكم وتحبوا بعض علشان تواجهوا البلاوي السودة اللي هتشوفوها، ودولقتي بقول للمساعدين دخلوا الوحش علي الجحش'.
وكاد الكلب 'نيوتن' أن يلتهم جسم كزبرة، ليعلق مطرب المهرجانات: 'وربنا لأقتلك يا رامز أنا جسمي اتعور'.
