ميار الببلاوي: ياسر جلال كسفني ومطلعش جدع معايا

تحدثت الفنانة ميار الببلاوي عن الفنان ياسر جلال وقالت إنه لم يساعدها في فترة من الفترات كانت تحتاج فيها إلى عمل وتخلى عنها.

وخلال لقائها في برنامج 'هي وهما' عبر قناة 'الحدث اليوم' حكت ميار الببلاوي قائلة: 'كنت لسه لابسه الحجاب ووقتها ماديا ومعنويا كنت محتاجة اشتغل، طلبت من ياسر جلال أشارك في عمل معاه، وقالي أنا مليش دخل في اختيار الممثلين في المسلسل، أنا صعقت من رده لأني أنا ممثلة وعارفة أن النجم ليه حق اختيار، أنا مش واحدة من برا'.

وتابعت ميار الببلاوي حكايتها: 'المرة اللي بعدها لما بعتله رسالة رد قالي أنا اللبيس وأنا عارفه أنه تليفونه، هو مش عايز يساعدني مع أنه من أجدع الشخصيات لكن الشهرة بتغير، إحنا كنا بنقسم اللقمة مع بعض أنا وهو ورامز جلال'.

يذكر أن ياسر جلال يشارك في رمضان 2024 بمسلسل 'جودر: ألف ليلة وليلة' ويبدأ عرضه في النصف الثاني من شهر رمضان.

ومسلسل 'جودر' يتكون من 15 حلقة، وهو مستوحى من حكايات ألف ليلة وليلة، وحمل في السابق هذا الاسم مبدئيا، والعمل بطولة ياسر جلال، نور اللبنانية، ياسمين رئيس، أحمد فتحى، هنادى مهنا، وفاء عامر، عبد العزيز مخيون، علي صبحي، وليد فواز، ياسر الطوبجي، أحمد كشك، عايدة رياض، جيهان الشماشرجي، محمود البزاوى، مجدي فكري، وتأليف أنور عبد المغيث، وإخراج إسلام خيرى وإنتاج شركتى ميديا هب سعدى – جوهر، وأروما للمنتج تامر مرتضى.

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل