ريم البارودي: مبحبش أشوف راجل يبقى قاعد جنبي ولابس حلق … غلطة وندمان عليها

كشفت الفنانة ريم البارودي عن رأيها في ظاهرة ارتداء بعض الفنانين لـ'الحلق'.

وقالت ريم البارودي خلال لقائها في برنامج 'واحد من الناس': 'ظاهرة مش صحيحة ومش صحية لأن في أجيال طالعة وبتشوف، ولاد أختي عندهم 10 سنين وبيتفرجوا ويشوفوا وأنا عن نفسي مبحبش يتفرجوا على حاجات زي كده إحنا مش أوروبا عشان نقلد لازم نشوف إيه اللي بيليق علينا ولازم نحتفظ بهويتنا'.

وتابعت ريم البارودي: 'إحنا دايما بنقلد الغرب وبنقلدهم في الغلط ياريت بنقلدهم في الصح، أنا عن نفسي محبش أشوف راجل يبقى قاعد جنبي وأنا لابسه حلق وهو لابس حلق، ممكن ناس تانية تحب أو ترضى'.

وعن فكرة إن كانت تقبل بالزواج من شخص يرتدي 'حلق' قالت ريم البارودي: 'لا معقول لا خالص، غلطة وندمان عليها'.

يذكر أن ريم البارودي تشارك في رمضان 2025 بمسلسل 'جوما'.

مسلسل 'جوما' يشارك في بطولته عدد من الفنانين منهم ميرفت أمين، ريم البارودي، محمود عبد المغني، منة فضالي، فراس سعيد، محمد مهران وآخرين، تأليف أحمد صبحي وإخراج محمد النقلي.

يذكر أن آخر أعمال ريم البارودي كان حكاية بنات السباعي من مسلسل 'حد فاصل'، مع كل من هبة حسن ومحمود حجازى وأحمد جمال سعيد ومحمد التاجي وهناء الشوربجى وغيرهم من النجوم، تأليف محمد إبراهيم عوض وإخراج تامر حمزة.