جويل مردينيان ترد على جدل فستانها في حفل افتتاح مهرجان الجونة السينمائي: جوزي مبسوط وراضي

ردت مقدمة البرامج جويل مردينيان على الانتقادات التي تعرضت لها بسبب الفستان الذي ظهرت به في حفل افتتاح مهرجان الجونة السينمائي في دورته الثامنة.

وأوضحت جويل أنها لم تقرأ التعليقات السلبية وقالت في لقاء مع ET بالعربي: 'وحياة الله وحياة ولادي مشفتش حاجة أكيد في تعليقات سلبية وناس محبتش الفستان أنا مبسوطة وجوزي مبسوط وجربت 6 فساتين قبل ما أجي وسألته حبيت الفستان وألبس إيه في الافتتاح قالي كلهم حلوين، جوزي راضي وأنا راضية ودا ستايلي أعملكم إيه؟'.

وتابعت جويل مردينيان: 'أنا حبيته وكنت زي الأميرة، تحت الفستان أنا لابسه مايوه، كل واحد يعمل اللي هو بيحبه ليه إحنا معجبين بجورجينا وبيونسيه وإذا إحنا طلعنا بفستان مبين الفخدة احسبوا الحسبة وشوفوا إحنا ليه بنعجب بيهم وليه إحنا مش مسموح لينا نظهر كده'.

وأكملت جويل مردينيان: 'أنا امرأة حرة وبحب كل امرأة حرة لأن الإنسان يحكم على قلوب الناس من جوا، اتكلموا عني مش عن الفستان عن قد إيه أنا بدعم غزة بقالي سنتين وخسرت فلوس وعلاقات كتير، إيه اللي ضايقكم في الفستان وأثر فيكم اللي مش عاجبه ميتفرجش'.

وانطلقت فعاليات الدورة الثامنة من مهرجان الجونة السينمائي يوم 16 أكتوبر وتستمر حتى 24 من نفس الشهر.

وكرمت الفنانة منة شلبي بجائزة 'الإنجاز الإبداعي' عن مشوارها الفني، خلال حفل افتتاح الدورة الثامنة من المهرجان.

لو فاتك: شطارة مايان السيد في الإجابة على كويز في الفن