ريم مصطفى لـ كريم فهمي وأمير كرارة: إتعالجت نفسيا بعد مسلسلين معاكم

أوضحت الفنانة ريم مصطفى أنها مرت بحالة نفسية صعبة بعد مشاركتها في مسلسل 'أمر واقع' مع الفنان كريم فهمي، ومسلسل 'الطبال' مع الفنان أمير كرارة.

وخلال استضافتها في برنامج 'سهرانين' على قناة ON، قالت ريم مصطفى لأمير كرارة مقدم البرنامج وكريم فهمي: 'أكتر مسلسلين قعدت أتعالج فيهم نفسيا بعد التصوير أمر واقع والطبال، أكتر مسلسلين أذوني نفسيا.'

وشرحت ريم مصطفى أن صعوبة الدور في 'أمر واقع' كانت بسبب كونه دور شخصية مشلولة، وتم تصوير 90 بالمئة من مشاهدها في مكان واحد، وكانت كل يوم تبكي من أول التصوير لنهايته.

وعلق أمير كرارة على مشاركتها في 'الطبال' قائلا: 'كل يوم تيجي تعيط وتروح، كانت كئيبة، أنا كرهت ريم مصطفى في العمل ده.'

واستعادت ريم مصطفى كواليس أحد مشاهدها مع كريم فهمي في 'أمر واقع' قائلة: 'كان مشهد المفروض أنا وكريم بنحلم، والمفروض أنا أقتل كريم، وكان عندنا كريزة ضحك في الكواليس، ولما جالنا المشهد قلبنا الموضوع ساركاستيك وبقينا نتخيل المشهد بالتصوير البطيء، جتلنا حالة مش عارفين ناخد المشهد على محمل الجد. كل ما يقولوا أكشن أبص في وشه وأقع على الأرض من الضحك، وفضلنا نضحك لحد ما لغوا التصوير في اليوم ده.'