بالصور - تامر حسني يشارك في حملة الهلال الأحمر لإغاثة ضحايا المغرب وليبيا

تامر حسني

كشف الفنان تامر حسني عن مشاركته في الحملة التي أعلنتها جمعية الهلال الأحمر المصرية لإغاثة متضرري زلزال المغرب وإعصار دانيال وفيضانات ليبيا.

ونشؤ تامر على حسابه الخاص بـ'فيسبوك' مجموعة من الصور لمشاركته في إغاثة متضرري المغرب وليبيا وعلق عليها بدعوة لجمهوره للمساهمة في دعم المنكوبين في البلدين.

وكتب تامر قائلاً: 'مساء الخير عليكم.. شبابنا وكل أهالينا في مصر طبعاً كلنا شوفنا اللي حصل في المغرب وليبيا وأكيد كلنا في أشد حالات الحزن ونفسنا نعمل حاجة'.

وأضاف: 'كلامي للّي قادر.. واللي مش قادر جزاه الله كل خير لو كثف الدعاء لأهالينا وإخواتنا

مش هطول عليكم.. يا جماعة عندنا في مصر جمعية الهلال الأحمر المصري بجد ناس ليهم الجنة إن شاء الله انا فخور بيهم أوي وبحبهم أوي من كل قلبي، دول ناس رحيمة وهبوا حياتهم لخدمة الإنسانية وكل يوم عندهم شباب جميل متطوع لخدمة الإنسانية، الحقيقة إن أنا بمشيئة الله دايماً معاهم في كل أزمة بتقابل مصر أو أي شعب عربي بس أكيد أنا مش كفاية'.

وتابع: 'أتمنى من كل مصري إنه يهتم بالجمعية العظيمة الرحيمة دي ويحاول يقدم أي دعم ولو بسيط ليهم، وأتمنى إن اللي ميعرفهمش يحاول يعرفهم كويس عشان لو عرفهم وعرف دورهم وإزاي بيخاطروا بحياتهم عشان سلامة وإنقاذ البشر هيبصلهم بنظرة عظيمة تانية'.

واختتم تامر حسني رسالته قائلا: 'من قلبي كل المواساة لأهالينا في المغرب وليبيا ومن أرض مصر بنقولكم كل مصر معاكم وخالص تعازينا لأسر الضحايا من أهالينا وكل الدعاء لعودة وسلامة المفقودين منهم ربنا يصبركم ويحفظكم ويحفظ أمتنا العربية'.