فيديو - رسالة رضوى الشربيني لإيمان الزيدي عقب إعلان طلاقها من محمد عبد المنصف: فين صور الزواج يا فنانة؟ ... لقاء الخميسي مش بتاعة طلاق

وجهت الإعلامية رضوى الشربيني رسالة للممثلة إيمان الزيدي، عقب إعلانها مؤخرا انفصالها عن محمد عبد المنصف، حارس مرمي نادي الزمالك ومنتخب مصر السابق، وزوج الفنانة لقاء الخميسي.

وقالت رضوى الشربيني خلال تقديمها برنامج 'هي وبس': 'فين صور الزواج يا فنانة، كنا نحب نشوف حضرتك بصور الزواج قبل صور الطلاق'.

وأضافت رضوى الشربيني: 'تاني حاجة، وحضرتك بتتجوزي من الكابتن، هل كنت عارفة إنه متزوج بقاله 21 سنة، ومتزوج من مين؟ وهل حضرتك قاعدة 7 سنين زوجة ثانية غصب عنك، وهل حضرتك اتفقت مع الكابتن وإنتو بتتجوزوا في السر من 7 سنين لما تتطلقوا يبقى الطلاق في العلن؟'

وتابعت رضوى الشربيني: 'هل حضرتك أخدت بالك من وقع الخبر على الست اللي بقالها 21 سنة متزوجة وعندها ولدين، ووقع الخبر على أولادها وصحابهم وجيرانهم وقرايبهم؟'

وأكملت رضوى الشربيني: 'لو حضرتك بتنشري هذا الخبر علشان تقفلي عليه فكرة إنه يرجع لمراته عايزة أقول لحضرتك إن لقاء الخميسي مستمرة في زواجها من زوجها، وهي بتقول أنا ست مش بتاعة طلاق، ومش من أول غلطة هيعملها هقف عليها، وأنا اتربيت في عيلة بتقول إن إحنا نسامح وإني أغفر له، وإنه عمل لي حاجات كتير في 21 سنة تخليني لما أشوف هذا الخبر أقعد معاه وأعتب عليه ولكن لا للطلاق'.

وفي أول رد فعل من الفنانة لقاء الخميسي بعد انتشار أخبار عن انفصال زوجها كابتن محمد عبد المنصف حارس مرمى الزمالك ومنتخب مصر السابق، عن الممثلة إيمان الزيدي، شاركت لقاء جمهورها بصورة لمجموعة كتب تقرأها، ويظهر من الكتب التي تقرأها لقاء الخميسي أنها كتب دعم نفسي وتفكير إيجابي.